தளபதி 68-ல் இணைந்த நடிகர் அஜ்மல்?

‘லியோ’ படத்தை முழுவதும் முடித்துள்ள நடிகர் விஜய், அடுத்து வெங்கட் பிரபு இயக்கத்தில் நடிக்கவுள்ளார். பான் இந்தியா திரைப்படமாக உருவாகும் இந்த படத்தை அடுத்த ஆண்டு தீபாவளிக்கு வெளியிட தயாரிப்பு நிறுவனம் முடிவு செய்துள்ளது.  ‘தளபதி 68’ என்று தற்காலிகமாக அழைக்கப்படும் அந்த படத்தை ஏஜிஎஸ் நிறுவனம் பிரம்மாண்டமாக தயாரிக்கவுள்ளது. இந்த படத்தில் சர்வதேச கலைஞர்கள் பணியாற்றவுள்ளனர். இந்த படத்திற்கு யுவன் சங்கர் ராஜா இசையமைக்கிறார்.  முதற்கட்ட பணிகள் நடைபெற்று வரும் இந்த படத்தின் படப்பிடிப்பு நவம்பர் மாதம் தொடங்கும் என கூறப்படுகிறது. 

இந்நிலையில், விஜய் நடிக்கும் 68-வது திரைப்படத்தில் அஜ்மல் இணைந்துள்ளதாக தகவல் வெளியாகியுள்ளது. விஜய்யுடன் இணைந்து அஜ்மல் எடுத்துக் கொண்ட புகைப்படத்தை ரசிகர்கள் சமூக வலைதளங்களில் டிரெண்டாக்கி வருகின்றனர். இருப்பினும், அதிகாரப்பூர்வ அறிவிப்புக்காக ரசிகர்கள் காத்திருக்கின்றனர்.