அருள்நிதிக்கு ஜோடியாகும் ‘பிரேம்’ பட நடிகை.. புதிய படத்தின் அப்டேட்

அருள்நிதிக்கு ஜோடியாக பிரபல நடிகை நடித்து வருவதாக தகவல் வெளியாகியுள்ளது.

அருள்நிதி திரைப்படங்கள் என்றாலே ரசிகர்களிடையே மிகுந்த வரவேற்பை பெற்று வரும். அந்த வகையில் அஜய் ஞானமுத்து இயக்கத்தில் உருவாகி வரும் ‘டிமான்டி காலனி 2’ படத்தில் நடித்து வந்தார். அந்த படத்தின் படப்பிடிப்பு சமீபத்தில் நிறைவுபெற்ற நிலையில் தயாரிப்பு பணிகள் விறுவிறுப்பாக நடைபெற்று வருகிறது. 

இந்த படத்தை அடுத்து அறிமுக இயக்குனர் விஜய் இயக்கத்தில் புதிய படம் ஒன்றில் நடித்து வருகிறார். இந்த படத்தின் படப்பிடிப்பு கடந்த சில மாதங்களுக்கு முன்பு கேரளாவில் தொடங்கியது. விறுவிறுப்பாக நடைபெற்று வரும் இந்த படப்பிடிப்பு தற்போது வரை 80 சதவீதம் நிறைவுபெற்றுள்ளது. 

இந்நிலையில் இந்த படத்தில் அருள்நிதிக்கு ஜோடியாக மடோனா செபாஸ்டியன் நடித்து வருகிறார். பிரபல நடிகையாக இருக்கும் அவர், ‘பிரேமம்’ படத்தின் மூலம் பிரபலமானவர். அதன்பிறகு தனுஷுடன் பா.பாண்டி, விஜய் சேதுபதியுடன் காதலும் கடந்துப்போகும், ஜூங்கா உள்ளிட்ட திரைப்படங்களில் நடித்துள்ளார் என்பது குறிப்பிடத்தக்கது.