‘விடுதலை2’ படத்தில் மஞ்சுவாரியரை தொடர்ந்து அட்டகத்தி தினேஷ், - வெளியான புகைப்படம்.

வெற்றி மாறன் இயக்கத்தில் சூரி கதாநாயகனாக  நடித்து வெளியாகி சூப்பர் ஹிட்டான திரைப்படம் ‘விடுதலை’ இந்த படத்தின் அதிரி புதிரி வெற்றியை தொடர்ந்து அதன் இரண்டாம் பாகம் தயாராகி வருகிறது.  இந்த நிலையில் படம் குறித்த லேட்டஸ்ட் தகவல் ஒன்று வெளியாகியுள்ளது.
அதுவரை காமெடியனாக மட்டுமே சூரியை பார்த்து வந்த ரசிகர்களுக்கு சூரியின் அசாத்திய நடிப்பை நமக்கு காட்டியது வெற்றிமாறன் தான். தொடர்ந்து அந்த படத்தில் விஜய் சேதுபது, பவானி ஆகியோரின் நடிப்பும் அசத்தல் இந்த நிலையில் படத்தின் இரண்டாம் பாகம் தயாராகி வருகிறது. முதல் பாகத்தின் படப்பிடிப்பு சமயத்திலேயே இரண்டாம் பாகமும் படமாக்கப்பட்ட நிலையில் மீதமுள்ள காட்சிகள் மட்டும் தற்போது படமாக்கப்பட உள்ளது. 

படப்பிடிப்பு நடக்க உள்ள சிறுமலை பகுதியில் தற்போது மழை பெய்து வருவதால் படப்பிடிப்பு நடத்துவது தாமதாகி வருகிறது. படத்தில் வாத்தியார் கதாப்பாத்திரத்தில் நடித்த விஜய் சேதுபதிக்கு ஜோடியாக மஞ்சுவாரியர் நடிக்க உள்ளதாக தகவல் வந்த நிலையில்  லேட்டஸ்ட் தகவலாக படத்தில் அட்ட கத்தி தினேஷும் இணைந்துள்ளார். நடிகர் தினேஷ் மற்றும் மஞ்சுவாரியர் இயக்குநர் வெற்றிமாறனுடன் இருக்கும் புகைப்படம் வெளியாகி அதனை உறுதியாக்கியுள்ளது.