இரவு, பகலாக படப்பிடிப்பில் ஈடுபட்டுள்ள நடிகர் தனுஷ்...

தனுஷ் நடித்துள்ள கேப்டன் மில்லர் படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வருகிறது. பீரியட் ஆக்சன் கதையில் உருவாகி இருக்கும் இந்த படம் டிசம்பர் 15ம் தேதி திரைக்கு வர உள்ளது. அதை தொடர்ந்து, தனது ஐம்பதாவது படத்தை இயக்கி வருகிறார் தனுஷ். சன் பிக்சர்ஸ் நிறுவனம் இப்படத்தை தயாரிக்கிறது. இப்படத்தின் படப்பிடிப்பு சென்னையில் நடைபெற்று வருகிறது. 

இந்த படத்தை அடுத்து தெலுங்கு இயக்குனர் சேகர் கம்முலா இயக்கும் படத்தில் தனுஷ் நடிக்கப்போகிறார். அப்படத்தின் ஆரம்பகட்ட பணிகளை முடித்துவிட்டு தனுசுக்காக அவர் காத்துக் கொண்டிருக்கிறார். அதன் காரணமாகவே தனது ஐம்பதாவது படத்தின் படப்பிடிப்புக்கு இடைவெளி கொடுக்காமல் இரவு பகலாக நடத்தி வருகிறாராம். சென்னையில் போடப்பட்டுள்ள பிரம்மாண்டமான செட்டுக்குள்ளேயே இப்படத்தின் பெரும்பாலான படப்பிடிப்பை  முடிக்க முடிவு செய்துள்ளார்.