மிரட்டலான லுக்கில் வைபவ்... 25வது படத்தின் தலைப்பு அறிவிப்பு !

 நடிகர் வைபவ்வின் 25வது படத்தின் தலைப்பு மற்றும் மோஷன் போஸ்டர் வெளியிடப்பட்டுள்ளது. 

தமிழ் சினிமாவில் இளம் நடிகராக வலம் வருபவர் வைபவ். தமிழ் மற்றும் தெலுங்கு என இரு மொழிகளில் நடித்து வரும் அவர், ‘கோதவா’ என்ற தெலுங்கு படத்தின் மூலம் நடிகராக அறிமுகமானார். தமிழில் கடந்த 2008-ஆம் ஆண்டு வெளியான ‘சரோஜா’ படத்தின் மூலம் நடிகராக என்ட்ரி கொடுத்தார். அதன்பிறகு கோவா, ஈசன், மங்காத்தா, பிரியாணி, பிரம்மன், டமால் டூமில், ஆம்பள, மாசு என்கிற மாசிலாமணி, அரண்மனை உள்ளிட்ட படங்களில் முக்கிய கதாபாத்திரத்தில் நடித்தள்ளார். 

அதன்பிறகு கப்பல், ஹலோ நான் பேய் பேசுகிறேன், சிக்ஸர், காட்டேரி, பபூன் ஆகிய படங்களில் கதாநாயகனாக நடித்துள்ளார். இந்நிலையில் வைபவ் நடிப்பில் உருவாகும் 25வது படத்தின் அறிவிப்பு வெளியாகியுள்ளது. இந்த படத்தில் வைபவ்வுடன் இணைந்து நந்திதா ஸ்வேதா, தன்யா ஹோப் உள்ளிட்டோர் முதன்மை கதாபாத்திரத்தில் நடிக்கின்றனர். 

அறிமுக இயக்குனர் ஷெரீப் இயக்கத்தில் இப்படம் உருவாகவுள்ளது. ‘கலகத்தலைவன்’ படத்திற்கு இசையமைத்த அரோல் கொரேல்லி இப்படத்திற்கு இசையமைக்கிறார். இந்நிலையில் இப்படத்தின் தலைப்பு மற்றும் மோஷன் போஸ்டர் வெளியிடப்பட்டுள்ளது. அதன்படி இப்படத்திற்கு ‘ரணம்’ என்று தலைப்பு வைக்கப்பட்டுள்ளது. இப்படத்தின் படப்பிடிப்பு விரைவில் தொடங்கவுள்ளது.