சிலம்பும் கற்கும் மாளவிகா மோகனன்.. வைரல் வீடியோ

 ‘தங்கலான்’ படத்திற்காக நடிகை மாளவிகா மோகனன் சிலம்பம் கற்கும் வீடியோ ஒன்று வெளியாகியுள்ளது. 

பா ரஞ்சித் இயக்கத்தில் விக்ரம் நடிப்பில் உருவாகி வரும் திரைப்படம் ‘தங்கலான்’. சுதந்திரத்திற்கு முந்தைய 18-ஆம் நூற்றாண்டில் கோலார் தங்க சுரங்கத்தில் தமிழர்கள் அடிமைகளாக இருந்ததை மையப்படுத்தி இப்படம் உருவாகி வருகிறது.வித்தியாசமான கதைக்களத்தில் உருவாகும் இப்படம் முழுக்க முழுக்க 3டியில் உருவாகிறது.

இந்த படத்தில் விக்ரமுடன் இணைந்து மலையாள நடிகைகள் பார்வதி, மாளவிகா மோகனன், பசுபதி உள்ளிட்டோர் முக்கிய கதாபாத்திரங்களில் நடிக்கின்றனர். இப்படத்திற்கு ஜிவி பிரகாஷ் இசையமைத்து வருகிறார்.  இப்படத்தை ஞானவேல் ராஜாவின் ஸ்டுடியோ கிரீன் நிறுவனம் பிரம்மாண்டமாக தயாரித்து வருகிறது.

ஏற்கனவே இப்படத்தின் படப்பிடிப்பு ஆந்திராவில் நிறைவுபெற்ற நிலையில் அடுத்தக்கட்ட படப்பிடிப்பு ஓகேனக்கல் பகுதியில் நடைபெற்று வருகிறது. இதற்கிடையே இந்த படத்தில் முக்கிய கதாபாத்திரத்தில் நடித்து வந்த மாளவிகா படத்தில் இருந்து வெளியேற்றப்பட்டதாக தகவல் வெளியானது. மாளவிகாவிற்கு சரியாக நடிப்பு வரவில்லை என்பதால் இந்த முடிவு எடுக்கப்பட்டதாக தகவல் வெளியானது. இந்நிலையில் இப்படத்திற்காக நடிகை மாளவிகா மோகனன் சிலம்பம் பயிற்சியை மேற்கொண்டு வருகிறார். இந்த வீடியோ தற்போது சமூக வலைத்தளத்தில் வைரலாகி வருகிறது.