பிரபல பாடகருடன் இரண்டாவது திருமணமா ?.. சோனியா அகர்வால் குறித்து காட்டுத்தீயாய் பரவும் தகவல் !
பிரபல நடிகருடன் சோனியா அகர்வால் திருமணம் செய்யவுள்ளதாக தகவல் ஒன்று பரவி வருகிறது.
செல்வராகவன் இயக்கத்தில் கடந்த 2002-ம் ஆண்டு வெளியான ‘காதல் கொண்டேன்’ என்ற திரைப்படத்தின் மூலம் தமிழில் நடிகையாக அறிமுகமானவர் சோனியா அகர்வால். அந்தப் படத்தைத் தொடர்ந்து விஜய் உடன் மதுர, 7ஜி ரெயின்போ காலனி, திருட்டுப்பயலே, ஒரு கல்லூரியின் கதை, திருட்டுப்பயலே, புதுப்பேட்டை, வானம், சதுரங்கம் உள்பட பல படங்களில் நடித்துள்ளார்.
தமிழ் மட்டுமின்றி தெலுங்கு, மலையாளம், கன்னட படங்களிலும் நடித்து இருக்கிறார். இவர் கடந்த 2006-ல் இயக்குநர் செல்வராகவனை காதலித்து திருமணம் செய்து கொண்டார். பின்னர் ஏற்பட்ட கருத்து வேறுபாடு காரணாக 4 ஆண்டுகளில், அதாவது 2010 ஆம் ஆண்டு இருவரும் விவாகரத்து பெற்று பிரிந்தனர்.
இதையடுத்து சோனியா அகர்வால் இரண்டாவது திருமணம் செய்யவுள்ளதாக அடிக்கடி தகவல்கள் வெளியாகி வருகிறது. அந்த வகையில் பிரபல பாடகரான மறைந்த எஸ்.பி.பாலசுப்ரமணியத்தின் மகன் எஸ்பிபி சரணை விரைவில் திருமணம் செய்யவுள்ளதாக தகவல் வெளியாகியுள்ளது. இதற்கு காரணம் சரணுடன் சோனியா அகர்வால் புகைப்படம் ஒன்று காட்டுத்தீயாய் பரவி வருவதுதான்.
