ஆக்ஷனில் மிரட்டும் வரலட்சுமி சரத்குமார்... ‘கன்னித்தீவு’ டீசரை வெளியிட்ட விஜய் சேதுபதி.. !

வரலட்சுமி சரத்குமார் உள்ளிட்ட 4  கதாநாயகிகள் நடித்துள்ள ‘கன்னித்தீவு’ படத்தின் டீசரை படக்குழு வெளியிட்டுள்ளது. 

வரலட்சுமி சரத்குமார் முதன்மை கதாபாத்திரத்தில் நடித்துள்ள திரைப்படம் ‘கன்னத்தீவு’. இப்படத்தை கர்ஜனை படத்தை இயக்கிய சுந்தர் பாலு இயக்கியுள்ளார். நான்கு பெண்களை மைப்படுத்தி எடுக்கப்பட்டுள்ள இப்படத்தில் வரலட்சுமி சரத்குமாருடன் இணைந்து ஐஸ்வர்யா தத்தா, ஆஷ்னா சவேரி, சுபிக்‌ஷா என மொத்தம் நான்கு கதாநாயகிகள் நடித்துள்ளனர்.  சிட்டிபாபு ஒளிப்பதிவு செய்துள்ள இப்படத்திற்கு லாரன்ஸ் கிஷோர் படத்தொகுப்பு பணிகளை கவனித்துள்ளார்.

ராஜ் பிரதாப் இசையமைக்கும் இப்படத்தை கிருத்திகா தயாரிப்பு நிறுவனம் தயாரித்துள்ளது. அதிரடியான ஆக்ஷன் படமாக உருவாகியுள்ள இப்படம்  வட சென்னையில் உள்ள ஒரு ஹவுசிங் போர்டு குடியிருப்பில் வசிக்கும் நான்கு பெண்களை மையப்படுத்திய எடுக்கப்பட்டுள்ளது. துணிச்சலான நான்கு பெண்கள் தங்கள் பகுதி பிரச்சினைக்காக போராடும் கதைதான் இந்த படம். 

இந்த படத்தின் படப்பிடிப்பு  அழகான தீவில் ஒன்றில் அழகாக படமாக்கப்பட்டுள்ளது. கடந்த ஆண்டே துவங்கப்பட்ட இப்படத்தின் படப்பிடிப்பு முடிந்து சில மாதங்களுக்கு முன்பே ரிலீசுக்கு தயாரானது. ஆனால் கொரானாவால் திரையரங்குகள் மூடப்பட்டிருந்தால் படத்தை ரிலீஸ் செய்யாமல் வைத்திருந்தனர். விரைவில் வெளியிட திட்டமிடப்பட்டுள்ள இப்படத்தின் டீசர் இன்று வெளியாகியுள்ளது. வரலட்சுமியின் ஆக்ஷனில் மிரட்டும் இந்த டீசரை நடிகர் விஜய் சேதுபதி வெளியிட்டுள்ளார். ரசிகர்களிடையே வரவேற்பை பெற்றுள்ள இந்த டீசர், படத்தின் மீதான எதிர்பார்ப்பை அதிகரித்துள்ளது.