'ஐஸ்வர்யா-உமாபதி' நிச்சயதார்த்தம் முடிந்தது!- வெளியான கியூட் பிக்.

நடிகர் அர்ஜூனின் மகள்  ஐஸ்வர்யாவுக்கும், நடிகர் தம்பிராமையாவின் மகன் உமாபதிக்கும் இன்று நிச்சயதார்த்தம் முடிந்துள்ளது. இது தொடர்பான புகைப்படம் இணையத்தில் வெளியாகி வைரலாகி வருகிறது.

ஆக்ஷன் கிங் அர்ஜூனின் மகள் ஐஸ்வர்யா, இவர் கடந்த 2013ஆம் ஆண்டு விஷால் நடிப்பில் வெளியான ‘பட்டத்து யானை’ படத்தில் ஹீரோயினாக நடித்து கோலிவுட்டில் அறிமுகமானார். அடுத்ததாக அவரது தந்தை அர்ஜூன் இயக்கும் படத்தில் நடித்து வருகிறார். இவர் பிரபல காமெடி நடிகர் தம்பிராமையா மகன் உமாபதியை காதலித்து வந்தார். இவர்களது காதல் விவகாரம் இரு வீட்டிற்கும் தெரியவர இருவீட்டாரும் ஓகே சொன்ன நிலையில் இன்று இவர்களது நிச்சயதார்த்தம் நடந்துள்ளது.  இது தொடர்பான புகைப்படம் இணையத்தில் வெளியான நிலையில் பலரும் இந்த புது ஜோடிக்கு வாழ்த்துகளை பகிர்ந்து வருகின்றனர்.