‘விடாமுயற்சி’-ல் இருந்து பின்வாங்குகிறதா லைக்கா... அதிர்ச்சியில் அஜித் ரசிகர்கள் !

 அஜித்தின் ‘விடாமுயற்சி’ படத்தின் தயாரிப்பிலிருந்து லைக்கா நிறுவனம் பின் வாங்கவுள்ளதாக தகவல் வெளியாகியுள்ளது. 

‘துணிவு’ படத்திற்கு பிறகு அஜித்தின் 62வது படத்தை லைக்கா நிறுவனம் தயாரிப்பதாக அறிவிக்கப்பட்டது. முதலில் இயக்குனர் விக்னேஷ் சிவன் இயக்குவதாக கடந்த ஆண்டே அறிவிக்கப்பட்டது. சில மாதங்கள் ப்ரீ பிரொடக்‌ஷன் பணிகள் நடைபெற்று வந்த நிலையில் கதையில் திருப்தியில்லை என கூறியதால் விக்னேஷ் சிவன் இப்படத்திலிருந்து வெளியேறினார். 

அதனால் இந்த படத்தை ‘தடம்’, ‘கலகத்தலைவன்’ ஆகிய படங்களை இயக்கிய மகிழ் திருமேனி இப்படத்தை இயக்குவார் என்று அறிவிக்கப்பட்டது. இதையடுத்து கடந்த சில மாதங்களாக இந்த படத்தின் பணிகள் நடைபெற்று வருகிறது. படப்பிடிப்பு தொடங்கும் என தகவல்கள் வெளியான போதிலும் இன்னும் படப்பிடிப்பு தொடங்கவில்லை. அதேநேரம் அஜித்தும் தனது பைக் பயணத்தை தொடங்கி சென்றுக் கொண்டிருக்கிறார். 

இந்நிலையில் படப்பிடிப்பை இந்த மாதம் தொடங்கலாம் என்று காத்திருந்த லைக்காவிற்கு அஜித்தின் பைக் பயணம் அதிர்ச்சியை எற்படுத்தியுள்ளது. ஏற்கனவே ‘விடாமுயற்சி’ படத்துடன் ஆரம்பிக்கப்பட்ட ‘பொன்னியின் செல்வன் 2’, ‘லால் சலாம்’, ‘சந்திரமுகி 2’, ‘இந்தியன் 2’ ஆகிய இறுதிக்கட்டத்தை நெருங்கிவிட்டது. ஆனால் விடாமுயற்சி படத்தில் எந்த முன்னேற்றமும் இல்லாததால் இந்த படத்தை கைவிடலாம் என்று எண்ணத்தில் லைக்கா இருப்பதாக தகவல் வெளியாகியுள்ளது.