அமீர் நடிப்பில் உருவாகும் ‘மாயவலை’... ஃப்ர்ஸ்ட் லுக் போஸ்டர் வெளியீடு !

அமீர் நடிப்பில் உருவாகி வரும் ‘மாய வலை’ படத்தின் ஃப்ர்ஸ்ட் லுக் போஸ்டர் வெளியிடப்பட்டுள்ளது. 

தமிழ் சினிமாவில் பன்முக திறமைக் கொண்ட நபராக இருப்பவர் அமீர், இயக்கம், நடிப்பு, தயாரிப்பு என அனைத்திலும் கலக்கி வருகிறார். வட சென்னை படத்தில் அவர் நடித்த ராஜன் கதாபாத்திரம் இன்றைக்கு பேசும்படியாக உள்ளது. இதையடுத்து தற்போது புதிய படம் ஒன்றில் ஹீரோவாக நடித்து வருகிறார். 

இந்த படத்தில் அமீருடன் இணைந்து ஆர்யாவின் தம்பி சத்யாவும் மற்றொரு கதாநாயகனாக நடித்து வருகிறார். இந்த படத்தில் கதாநாயகியாக சஞ்சிதா ஷெட்டி நடிக்கிறார். இவர்களுடன்  வின்சென்ட் அசோகன், தீனா, சரண் உள்ளிட்ட பலர் நடித்து வருகின்றனர். இந்த படத்தை  அமீரின் ஃபிலிம் கார்ப்பரேசன் நிறுவனமும், JSM பிக்சர்ஸ் நிறுவனமும் இணைந்து தயாரித்து வருகிறார். 

”அதர்மம்”, ”பகைவன்” ஆகிய வெற்றிப் படங்களை இயக்கிய ரமேஷ்கிருஷ்ணன் இயக்கத்தில் உருவாகும் அமீரின் இந்த படத்திற்கு நீண்ட இடைவெளிக்கு பிறகு யுவன் சங்கர் ராஜா இசையமைத்து வருகிறார். கடந்த சில மாதங்களாக இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில் இப்படத்தின் ஃப்ர்ஸ்ட் லுக் போஸ்டர் வெளியிடப்பட்டுள்ளது. ‘மாய வலை’ என்ற தலைப்பில் உருவாகும் இந்த படத்தின் போஸ்டர் வரவேற்பை பெற்றுள்ளது.