உணவு டெலிவரி பாய் குறித்து பேசும் அநீதி.. வசந்தபாலன் படத்தின் டிரெய்லர் !

நடிகர் அர்ஜூன் தாஸ் நடிப்பில் உருவாகியுள்ள அநீதி படத்தின் டிரெய்லர் வெளியாகியுள்ளது. 

‘ஜெயில்’ படத்திற்கு பிறகு இயக்குனர் வசந்தபாலனின் அடுத்த படைப்பாக ‘அநீதி’ திரைப்படம் உருவாகியுள்ளது. பிரபல வில்லன் நடிகரான அர்ஜூன் தாஸ் இந்த படத்தில் ஹீரோவாக நடித்துள்ளார். இவர்களுடன் துஷாரா விஜயன், அர்ஜூன் சிதம்பரம், வனிதா விஜயகுமார், சுரேஷ்சக்ரவர்த்தி, அறந்தாங்கி நிஷா, காளி வெங்கட், டி.சிவா உள்ளிட்டோர் நடித்துள்ளனர்.

இந்த படத்திற்கு ஜிவி பிரகாஷ் இசையமைத்துள்ளார். இயக்குனர் ஷங்கரின் எஸ் பிக்சர்ஸ் மற்றும் வசந்தபாலனின் அர்பன் பாய்ஸ் நிறுவனம் இணைந்து இப்படத்தை தயாரித்துள்ளனர். வித்தியாசமான கதைக்களத்தில் உருவாகியுள்ள இப்படம் வரும் ஜூலை 21-ஆம் தேதி வெளியாகும் என அறிவிக்கப்பட்டுள்ளது.

இந்நிலையில் இப்படத்தின் டிரெய்லர் வெளியிடப்பட்டுள்ளது. உணவு டெலிவரி பாய் படும் இன்னல்களை வைத்து இப்படம் உருவாகியுள்ளது. சத்தமும், சதையுமான இருக்கு டிரெய்லர் காமெடியோ, காதலோ இல்லாமல் உருவாகியுள்ளது. வலியில் பேசும் வசனங்கள் இந்த டிரெய்லரி தீயாய் கொழுந்துவிட்டு எரிகிறது. இந்த டிரெய்லர் படத்திற்கான எதிர்பார்ப்பை கூட்டியுள்ளது.