மோகன்லால் நடித்துள்ள `துடரும்' படத்தின் அரைவல் டீசர் ரிலீஸ்...!

மோகன்லால் - ஷோபனா இணைந்து நடித்துள்ள 'துடரும்' படத்தின் ரிலீஸ் தேதி வெளியாகியுள்ளது.

மலையாள சினிமாவில் சூப்பர் ஸ்டாராக இருக்கும் மோகன்லால், 'துடரும்' என்ற படத்தில் நடித்துள்ளார்.  இப்படத்தை, ’ஆப்ரேஷன் ஜாவா', 'சவுதி வெள்ளக்கா' படங்களை இயக்கிய இயக்குனர் தருண் மூர்த்தி இயக்கி உள்ளார்.ரஞ்சித் தயாரிக்கும் இப்படத்திற்கு ஜேக்ஸ் பிஜாய் இசையமைக்கிறார். இப்படத்தில் மோகன்லாலுடன் நடிகை ஷோபனா முக்கிய கதாபாத்திரத்தில் நடித்துள்ளார். 20 வருடங்களுக்கு பிறகு இணைந்து நடித்துள்ளனர்.

`துடரும்' படத்தின் டிரெய்லரை அண்மையில் படக்குழு வெளியிட்டது. இப்படம் ஏப்ரல் 25ஆம் தேதி வெளியாக உள்ளது. இப்படத்தில் மோகன்லால் டாக்சி டிரைவர் கதாப்பாத்திரத்தில் நடித்துள்ளார். இந்நிலையில் படத்தின் ரிலீசை முன்னிட்டு அரைவல் டீசரை படக்குழு வெளியிட்டுள்ளது.