எதிர்பார்ப்பை எகிற வைக்கும் பரத்தின் ‘மிரள்’... ஸ்னீக் பீக் காட்சி வெளியீடு !
![miral](https://ttncinema.com/static/c1e/client/88252/uploaded/7e874f2301eb12196fe3abb65164592c.jpg)
பரத் நடிப்பில் உருவாகியுள்ள ‘மிரள்’ படத்தின் ஸ்னீக் பீக் காட்சி வெளியிடப்பட்டுள்ளது.
அறிமுக இயக்குனர் சக்திவேல் இயக்கத்தில் பரத் நடிப்பில் உருவாகியுள்ள திரைப்படம் ‘மிரள்’. இந்த படத்தில் பரத் மற்றும் வாணிபோஜன் முதன்மை கதாபாத்திரத்தில் நடித்துள்ளனர். இவர்களுடன் கே.எஸ்.ரவிக்குமார், காவ்யா அறிவுமணி, மீரா கிருஷ்ணன், ராஜ்குமார் ஆகியோர் முக்கிய கதாபாத்திரங்களில் நடித்துள்ளனர்.
இப்படத்திற்கு பிரசாத் இசையமைத்துள்ளார். ஹாரர் த்ரில்லர் கதைக்களத்தில் உருவாகியுள்ள இந்த படம் வரும் நவம்பர் 11-ஆம் தேதி உலகம் முழுவதும் உள்ள திரையரங்குகளில் வெளியாகிறது. ஆக்சஸ் பிலிம் பேக்டரி நிறுவனம் தயாரித்துள்ள இப்படத்தை சக்தி பிலிம் பேக்டரி வெளியிடுகிறது.
நீண்ட நாட்களுக்கு பிறகு சொந்த கிராமம் திரும்பும் பரத் மற்றும் குடும்பத்தினர் எதிர்கொள்ளும் திகில் அனுபவங்கள் தான் இப்படத்தின் கதை. சமீபத்தில் இப்படத்தின் டிரெய்லர் வெளியாகி ரசிகர்களின் கவனத்தை ஈர்த்த நிலையில் தற்போது ஸ்னீக் பீக் காட்சி ஒன்று வெளியிடப்பட்டுள்ளது. இந்த காட்சி படத்தின் மீதான எதிர்பார்ப்பை எகிற வைத்துள்ளது.