'தளபதி 67' படத்தில் அடுத்தடுத்து இணைந்த பிரபலங்கள் – வெளியான மாஸ் தகவல்.
விஜய்யின் 67வது படத்தில் இணைந்த பிரபலங்கள், வெளியாகியுள்ளது அதிகாரப்பூர்வ அறிவிப்பு.
லோகேஷ் கனகராஜ் இயக்கத்தில் விஜய் நடிக்கும் படத்தின் அறிவிப்பு நேற்று அதிகாரப்பூர்வமாக வெளியானது. இந்த படத்தின் படப்பிடிப்பு கடந்த ஜனவரி 2-ஆம் தேதியே தொடங்கிவிட்ட நிலையில் படத்தில் யாரெல்லாம் இணைந்துள்ளனர் என்ற அறிவிப்பு அடுத்தடுத்து வெளியாகிவருகிறது.
அனிரூத் இசையமைப்பாளராகவும், மனோஜ் பரம்மஹம்சா ஒளிப்பதிவாளராக பணியாற்றுகின்றனர். மேலும் எடிட்டிங் பணிகளை பிலோமின் ராஜ் மேற்கோள்கிறார். தொடர்ந்து படத்தின் படப்பிடிப்பிற்காக விஜய், லோகேஷ் கனகராஜ், திரிஷா உள்ளிட்ட படக்குழுவினர் இன்று காலை தனி விமானம் மூலம் காஷ்மீர் சென்றனர். அங்கு 50 நாட்கள் வரை படப்பிடிப்பு நடைபெற உள்ள நிலையில். தற்போது யாரெல்லாம் படத்தில் நடிக்க இருக்கின்றனர் என்ற போஸ்டர்கள் வெளியாகிவருகிறது.
அதன்படி பாலிவுட் நடிகர் சஞ்சய் தத் படத்தில் இணைந்தார், அடுத்ததாக நடிகை பிரியா ஆனந்த், இவரை தொடர்ந்து நடன இயக்குநர் சாண்டி மாஸ்டர் இணைந்துள்ளார், ஆனால் இந்த படத்தில் நடன இயக்குநராக இல்லாமல் நடிகராக களம்காண உள்ளார், இவரை தொடர்ந்து இயக்குநர் மிஸ்கின் இணைந்துள்ளார். தொடர்ந்து யாரெல்லாம் இணைய உள்ளனர் என்பதை காண ரசிகர்கள் ஆவலாக காத்துள்ளனர்.
