விரைவில் வருகிறார் ‘வாத்தி’.. தனுஷ் படம் குறித்து செம அப்டேட் !
தனுஷ் நடிப்பில் உருவாகி வரும் ‘வாத்தி’ படத்தின் சூப்பர் அப்டேட் ஒன்று வெளியாகியுள்ளது.
தமிழ் சினிமாவின் முன்னணி நடிகரான தனுஷ், தற்போது முதல்முறையாக தெலுங்கு படம் ஒன்றில் நடித்து வருகிறார். வாத்தி என்ற தலைப்பில் உருவாகும் இந்த படத்தை தோழி பிரேமா', 'மிஸ்டர் மஜ்னு' உள்ளிட்ட வெற்றிப்படங்களை இயக்கிய வெங்கி அட்லூரி இயக்கி வருகிறார். இந்த படத்தில் கதாநாயகியாக சம்யுக்தா மேனன் நடித்து வருகிறார்.
இந்த படத்தில் சாய் குமார் முக்கிய வேடத்தில் நடிக்கிறார். ஜிவி பிரகாஷ் இசையில் உருவாகும் இப்படத்திற்கு தினேஷ் கிருஷ்ணன் ஒளிப்பதிவு செய்யவுள்ளார். தமிழ், தெலுங்கு மற்றும் இந்தி என மூன்று மொழிகளில் உருவாகும் இப்படத்தை சித்தாரா என்டர்டெயின்மென்ட் நிறுவனம் தயாரித்து வருகிறது.
இந்த படத்தின் படப்பிடிப்பு கடந்த ஜனவரியில் துவங்கியது. இதையடுத்து விறுவிறுப்பாக நடைபெற்று வரும் இந்த படத்தின் படப்பிடிப்பு விரைவில் இறுதிக்கட்டத்தை அடையவுள்ளது. இந்நிலையில் இப்படத்தின் ஃப்ர்ஸ்ட் லுக் போஸ்டர் விரைவில் வெளியாகும் என அறிவிக்கப்பட்டுள்ளது. ஏற்கனவே இப்படத்திலிருந்து வெளியான தனுஷின் புகைப்படங்கள் நல்ல வரவேற்பை பெற்றுள்ள நிலையில் போஸ்டருக்கு எதிர்பார்ப்பு ஏற்பட்டுள்ளது.
இப்படத்தின் மற்ற நடிகர், நடிகைகள் குறித்த தகவல் இன்னும் வெளியாகவில்லை. தமிழ் மற்றும் தெலுங்கில் உருவாகவுள்ள இப்படத்தின் டைட்டில் டீசர் வெளியாகி நல்ல வரவேற்பை பெற்றுள்ளது.
இந்நிலையில் முதற்கட்ட பணிகள் நடைபெற்று வரும் இப்படத்தின் படப்பிடிப்பு படப்பூஜையுடன் அடுத்த வாரம் ஐதராபாத்தில் தொடங்க உள்ளதாக தகவல் வெளியாகியுள்ளது. மூன்று மாதங்களில் முடிக்க திட்டமிட்டப்பட்டுள்ள இப்படம் அடுத்த ஆண்டே வெளியாகவுள்ளது என்பது குறிப்பிடத்தக்கது.
