எச்.வினோத்துக்கு வாழ்த்து தெரிவித்த இயக்குநர் லோகேஷ் கனகராஜ்

‘விக்ரம்’ படத்திற்கு அடுத்தடுத்து திரைப்படங்களில் பிசியாக நடிகர் கமல் நடித்து வருகிறார். தற்போது ஷங்கர் இயக்கத்தில் உருவாகும் ‘இந்தியன் 2’ படத்தில் நடித்து வருகிறார். இந்த படத்தின் படப்பிடிப்பு இறுதிக்கட்டத்தை எட்டிய நிலையில் க்ளைமேக்ஸ் காட்சிகள் படமாக்கப்பட்டு வருகிறது. இந்த படத்தை முடித்து உடனடியாக எச்.வினோத் இயக்கத்தில் உருவாகும் படத்தில் நடிகர் கமல் இணையவுள்ளார். இந்த படத்திற்காக மொத்தம் 35 நாட்கள் மட்டுமே கால்ஷீட் கொடுத்துள்ளார். அதனால் படத்தை விரைவாக முடிக்க எச்.வினோத் திட்டமிட்டுள்ளார். இதற்கான முதற்கட்ட பணிகள் தொடங்கிய நடைபெற்று வருகிறது. ராஜ் கமல் இன்டர்நேஷ்னல் நிறுவனம் தயாரிப்பில் உருவாகும் இந்த படத்தை சிறிய பட்ஜெட்டிலேயே தயாரிக்கவுள்ளனர் என்ற தகவலும் வெளியாகியுள்ளது.

இதன் படப்பிடிப்புகள் அடுத்த மாதம் தொடங்க வாய்ப்புள்ளதாகவும் கூறப்படுகிறது. இந்நிலையில், இயக்குநர் எச்.வினோத்துக்கு, இயக்குநர் லோகேஷ் கனகராஜ் வாழ்த்து தெரிவித்து சமூக வலைதளங்களில் பதிவிட்டுள்ளார்.