இயக்குநர் மோகன் ஜி-யின் அடுத்த படைப்பு... வெளியானது "திரௌபதி 2" அறிவிப்பு..

இயக்குநர் மோகன் ஜி இயக்கவுள்ள புதிய படத்தின் அறிவிப்பு வெளியாகியுள்ளது.

2016 ம் ஆண்டு வெளியான பழைய வண்ணாரபேட்டை படத்தை இயக்கி தமிழ் சினிமாவில் இயக்குனராக அறிமுகமானாவர் மோகன் ஜி. திரௌபதி, ருத்ர தாண்டவம், பகாசூரன் உள்ளிட்ட படங்கள் மூலம் கவனம் பெற்றவர் இயக்குநர் மோகன் ஜி. திரைப்படங்களைத் தாண்டி அரசியல்,  கருத்துகளையும் தொடர்ந்து பதிவு செய்து சர்ச்சைக்குரிய இயக்குநராகவே இருந்து வருகிறார்.இந்த நிலையில், மோகன் ஜி இயக்கும் அவரின் 5-வது திரைப்படத்தில் அறிவிப்பு வெளியாகியுள்ளது.  

அவன் அருளாலே அவன் தாள் வணங்கி, தர்மம் காக்க உயிரை துச்சமென துறந்த மாவீரர்களின் மறைக்கப்பட்ட வீர தீர ரத்த சரித்திரம்.. இந்த ஆண்டு இறுதியில், @richardrishi அவர்களின் நடிப்பில், @GhibranVaibodha அவர்களின் இசையில் திரையில் மீண்டும் மிரட்ட வருகிறாள் #திரெளபதி2 🙏❤️@DoneChannel1… pic.twitter.com/UVNCQvnuoC

— Mohan G Kshatriyan (@mohandreamer) February 26, 2025

அதன்படி, இவர் ஏற்கனவே இயக்கி வெளியான திரௌபதி படத்தின் 2-ம் பாகத்தை உருவாக்க இருப்பதாக மோகன் ஜி அறிவித்துள்ளார். இந்தப் படத்திலும் ரிச்சர்ட் ரிஷி கதாநாயகனாக நடிக்கிறார். இந்தப் படத்திற்கு ஜிப்ரான் இசையமைக்கிறார். இந்தப் படம் தொடர்பான அடுத்தடுத்த அப்டேட்கள் தொடர்ந்து வெளியாகும் என தெரிகிறது.