மெரி கிறிஸ்துமஸ் படத்தை பாராட்டிய இயக்குநர் விக்னேஷ் சிவன்
![மெரி கிறிஸ்துமஸ் படத்தை பாராட்டிய இயக்குநர் விக்னேஷ் சிவன்](https://ttncinema.com/static/c1e/client/88252/uploaded/307d5b17749a0ca0c7552a5d904b1049.jpg)
நடிகர் விஜய் சேதுபதி மற்றும் கத்ரினா கைஃப் இணைந்து நடித்துள்ள படம் ‘மெரி கிறிஸ்துமஸ்’. இந்த படத்தை ‘அந்தாதுன்’ பட இயக்குநரான ஸ்ரீராம் ராகவன் இயக்கியுள்ளார். இந்தப்படத்தில் ராதா சரத்குமார், சஞ்சய் கபூர், தினு ஆனந்த் ஆகியோர் நடித்துள்ளனர். ‘மெரி கிறிஸ்துமஸ்’ படம் கடந்த ஆண்டு டிசம்பர் மாதம் வெளியாகும் என அறிவிக்கப்பட்ட நிலையில் சில பல காரணங்களால் வெளியீடு தள்ளிப்போனது. அதன் பின்னர் டிசம்பர் 15, டிசம்பர் 8 என மாற்றப்பட்ட நிலையில் தற்போது படம் அடுத்த ஆண்டு பொங்கலை முன்னிட்டு இன்று உலகம் முழுவதும் வெளியாகி இருக்கிறது. தமிழ் மற்றும் இந்தி ஆகிய மொழிகளில் படம் வெளியாகி உள்ளது.
இந்நிலையில், படத்தை பார்த்த இயக்குநரும், தயாரிப்பாளருமான விக்னேஷ் சிவன், மெரி கிறிஸ்துமஸ் படத்தை பார்த்து திகைத்துப் போய் விட்டேன். பிரீத்தமினின் இசை படத்திற்கு பெரிய தூணாக அமைந்துள்ளது என தெரிவித்துள்ளார்.