பஹத் பாசில் - வடிவேலு நடித்துள்ள மாரீசன் பட ரிலீஸ் அப்டேட்...!
மாரீசன் படம் ஜூலை மாதம் வெளியாகும் என அறிவிக்கப்பட்டுள்ளது.
மாரி செல்வராஜ் இயக்கிய மாமன்னன் படத்தில் வடிவேலுவும், பஹத் பாசிலும் இணைந்து நடித்தனர். இந்த கூட்டணிக்கு வரவேற்பு கிடைத்ததால் அடுத்தபடியாக சூப்பர் குட் பிலிம்ஸ் தயாரிக்கும் 'மாரீசன்' படத்தில் மீண்டும் இணைந்து நடித்துள்ளனர். கிருஷ்ணமூர்த்தி என்பவர் இயக்கும் இந்த படம், ஒரு நடுத்தர வயதை சார்ந்தவரும், ஒரு இளைஞரும் நாகர்கோவிலில் இருந்து பொள்ளாச்சி வரை சாலையில் பயணம் செய்யும் போது ஏற்படும் அனுபவத்தை மையமாக கொண்டதாக காமெடி கலந்த கதையில் உருவாகி வருகிறது.
யுவன் சங்கர் ராஜா இசையமைக்கிறார். ஏற்கனவே இதன் படப்பிடிப்பு முடிந்து மற்ற பணிகள் நடந்து வருகின்றன. இந்நிலையில் இத்திரைப்படம் இவ்வருட ஜூலை மாதம் திரைக்கு வருகிறது என அறிவிக்கப்பட்டுள்ளது. த்துள்ளனர். அதேசமயம் ரிலீஸ் தேதியை அவர்கள் குறிப்பிடவில்லை.
