தமிழ்நாட்டில் 100 கோடியை கடந்தது ‘குட் பேட் அக்லி’ வசூல்
தமிழ்நாட்டில் ‘குட் பேட் அக்லி’ படத்தின் வசூல் 100 கோடியை கடந்திருக்கிறது.
ஆதிக் ரவிச்சந்திரன் இயக்கத்தில் அஜித், த்ரிஷா, பிரசன்னா, அர்ஜுன் தாஸ், சுனில், ப்ரியா பிரகாஷ் வாரியர், யோகி பாபு உள்ளிட்ட பலர் நடிப்பில் வெளியாகியுள்ள படம் ‘குட் பேட் அக்லி’. மைத்ரி மூவி மேக்கர்ஸ் நிறுவனம் தயாரித்துள்ள இப்படத்தினை ரோமியோ பிக்சர்ஸ் நிறுவனம் வெளியிட்டிருக்கிறது.ஏப்ரல் 10-ம் தேதி வெளியான படம் ‘குட் பேட் அக்லி’. இப்படம் அஜித் ரசிகர்களை கடந்தும் வரவேற்பை பெறத் தொடங்கியிருக்கிறது. இதனால் படத்தின் வசூல் குறைவின்றி இருக்கிறது. 2 நாட்களுக்கு முன் உலகளவில் ‘குட் பேட் அக்லி’ வசூல் 100 கோடியை கடந்தாக அறிவிக்கப்பட்டது.
Tamil Nadu box office on fire #GoodBadUgly pic.twitter.com/exQthXOPER
— G.V.Prakash Kumar (@gvprakash) April 15, 2025
இது அஜித்தின் திரையுலக வாழ்வில், 2 நாட்களில் 100 கோடியைத் தொட்ட முதல் படம் என்ற சாதனையையும் படைத்தது. இந்நிலையில், தற்போது இத்திரைப்படம் வெளியாகி 5 நாட்களில் தமிழ்நாட்டில் மட்டும் ரூ. 100 கோடி வசூலை கடந்துள்ளது. இதனை படக்குழு போஸ்டர் வெளியிட்டு அதிகாரப்பூர்வமாக அறிவித்துள்ளது.
