'ஹிட் 3' படத்திற்கு A சான்று வழங்கிய தணிக்கை குழு...
நடிகர் நானி நடித்துள்ள ஹிட் 3 படத்திற்கு தணிக்கை குழு A சான்று வழங்கியுள்ளது.
தெலுங்கு திரையுலகில் முன்னணி நடிகராக வலம் வருபவர் நானி. இவர் தற்போது 'ஹிட் 3 படத்தில் நடித்துள்ளார். ஹிட் 3 படத்தை பிரபல இயக்குநர் சைலேஷ் கொலானு இயக்கியுள்ளார். கதாநாயகியாக ஸ்ரீநிதி ஷெட்டி நடித்துள்ளார். பிரசாந்தி திபிர்னேனி தயாரிப்பில் உருவாகியுள்ள இப்படம் வரும் மே மாதம் 1 ஆம் தேதி திரைக்கு வருகிறது. ரத்தம் தெறிக்கும் கிரிமினல் ஜானரில் உருவாகியுள்ள ஹிட் 3 படத்தில் நானி போலீஸ் கதாபாத்திரத்தில் நடித்துள்ளார்.
A for ARJUN SARKAAR
— Nani (@NameisNani) April 25, 2025
CERTIFIED. #HIT3 #HIT3FromMay1st pic.twitter.com/9PPKLwKEEJ
படத்தின் முதல் பாடலான ப்ரேம வெல்லுவா பாடலை படக்குழு வெளியிட்டு நல்ல வரவேற்பை பெற்றது. படத்தின் டிரெய்லர் சமீபத்தில் வெளியாகி மக்களிடம் பெரும் வரவேற்பை பெற்றது. திரைப்படம் தமிழ், தெலுங்கு, மலையாளம் மற்றும் இந்தி மொழிகளில் வெளியாகிறது. இந்நிலையில், ஹிட் 3 படத்திற்கு தணிக்கை குழு A சான்று வழங்கியுள்ளது. அப்படியென்றால் 18 வயதை கடந்தவர்கள் தான் இப்படத்தை பார்க்க முடியும்.
