1 மில்லியன் பார்வைகளை கடந்த 'இதயா' பாடல்...!
"இதயம் முரளி" படத்தின் 'இதயா' என்னும் முதல் பாடல் இணையத்தில் 1 மில்லியன் பார்வைகளை கடந்துள்ளது.
Dawn Pictures தயாரிப்பு நிறுவனத்தின் சார்பில் 4 வது படைப்பாக, தயாரிப்பாளர் ஆகாஷ் பாஸ்கரன் இயக்கத்தில், அதர்வா முரளி நடிக்கும் படம் "இதயம் முரளி" . இந்த படத்தின் மூலம் தயாரிப்பாளர் ஆகாஷ் பாஸ்கரன் இயக்குநராக அறிமுகமாகிறார். இப்படத்தில் அதர்வாவுடன் தமன் எஸ், ப்ரீத்தி முகுந்தன், கயாடு லோஹர் மற்றும் நிஹாரிகா முன்னணி கதாப்பாத்திரத்தில் நடித்துள்ளனர். இந்நிலையில் படத்தின் ஃபர்ஸ்ட் சிங்கிளான இதயா பாடலை படக்குழு நேற்று வெளியிட்டது. பாடல் மிகவும் மெலடியாக அமைந்துள்ளது.
இப்பாடலை விவேக் வரிகளில் தமன் மற்றும் விஷால் மிஷ்ரா இணைந்து பாடியுள்ளனர். இந்நிலையில் பாடல் வெளியாகி 1 மில்லியன் பார்வைகளை யூடியூபில் கடந்துள்ளது. தமிழ் சினிமாவில் கோலோச்சிய நடிகர் முரளியின் மறக்கமுடியாத பாத்திரம் இதயம் முரளி, அவரது மகன் அதர்வா நடிக்கும் இதயம் முரளி படத்திற்கு ரசிகர்கள் மத்தியில் பெரும் எதிர்ப்பார்ப்பு நிலவி வருகிறது.
