‘ஜெயிலர்’ ப்ளாக் பஸ்டர் ஹிட்... நெல்சனுக்கு போனில் வாழ்த்து சொன்ன நடிகர் விஜய் !

‘ஜெயிலர்’ படத்தின் வெற்றிக்கு இயக்குனர் நெல்சனுக்கு நடிகர் விஜய் போனில் வாழ்த்து சொன்னதாக தகவல் வெளியாகியுள்ளது.  

‘பீஸ்ட்’ திரைப்படம் போதிய வரவேற்பை பெறாத நிலையில் நிச்சயம் அடுத்து ஒரு வெற்றியை கொடுக்கவேண்டும் என்ற கட்டாயத்துடன் இயக்குனர் நெல்சன் இயக்கிய திரைப்படம் ‘ஜெயிலர்’. இந்த படத்தில் முத்துவேல் பாண்டியன் என்ற ஒய்வுபெற்ற ஜெயிலர் கதாபாத்திரத்தில் நடிகர் ரஜினிகாந்த் நடித்துள்ளார். 

சன் பிக்சர்ஸ் தயாரிப்பில் உருவான இந்த படம் நேற்று உலகம் முழுவதும் உள்ள திரையரங்குகளில் வெளியானது. இந்த படத்தை பார்த்த ரசிகர்கள் ஜெயிலர் படத்தை கொண்டாடி வருகின்றனர். ரசிகர்களை போன்று பிரபலங்களும் இந்த படத்தை பார்த்து பாராட்டி வருகின்றனர். 

இந்த படம் முதல் நாளில் தமிழகத்தில் 25 கோடியும், உலகம் முழுவதும் 90 கோடியும் வசூலித்துள்ளதாக தகவல் வெளியாகியுள்ளது. இந்நிலையில் இந்த படத்தின் வெற்றியை தொடர்ந்து நடிகர் விஜய், இயக்குனர் நெல்சனை தொலைபேசியில் தொடர்புக் கொண்டு வாழ்த்து தெரிவித்ததாக தகவல் வெளியாகியுள்ளது.