‘ஜெயிலர்’ படத்தின் சென்சார் தகவல் இதோ!
சூப்பர் ஸ்டார் ரஜினிகாந்த் நடிப்பில் மாஸ்ஸாக உருவாகிவரும் திரைப்படம் ‘ஜெயிலர்’. தமிழகத்தின் ஒட்டுமொத்த எதிர்பார்ப்பாக தயாராகிவரும் இந்த படத்தில் மோகன்லால், ஜாக்கி ஷெராஃப், சிவ ராஜ்குமார், சுனில், தமன்னா, ரம்யா கிருஷ்ணன், யோகிபாபு, விநாயகன், வசந்த் ரவி உள்ளிட்டோர் முக்கிய கதாபாத்திரத்தில் நடித்துள்ளனர். வரும் ஆகஸ்ட் 10ஆம் தேதி வெளியாகவுள்ள இந்த படத்தின் இசை வெளியீட்டு விழா இம்மாதம் 28ஆம் தேதி நடக்க உள்ளது. இந்தநிலையில் படத்தின் சென்சார் பற்றிய தகவல் தற்போது வெளியாகியுள்ளது.
அதன்படி படத்திற்கு U/A சான்றிதழ் கிடைத்துள்ளது. சன் பிகசர்ஸ் தயாரிப்பில், நெல்சன் இயக்கத்தில் தயாராகியுள்ள இந்த படத்திற்கு அனிருத் இசையில் பாடல்கள் தாறுமாறாக உருவாகியுள்ளது. அதிலும் முதல் பாடலாக வெளியான காவாலா பாடல் 74 மில்லியன் பார்வையாளர்களை கடந்துள்ளது. ஜெயிலர் படத்தின் சென்சார் தகவலை அறிந்த ரசிகர்கள் முத்துவேல் பாண்டியனின் அதிரடி ஆட்டத்தை திரையில் காண தயாராக உள்ளனர்.
