“அலப்பறை கிளப்புறோம்... தலைவரு நிரந்தரம்”... பட்டையை கிளப்பும் ‘Hukum‘ லிரிக்கல் பாடல் !

 ‘ஜெயிலர்’ படத்திலிருந்து பட்டையை கிளப்பும் ‘Humkum’ லிரிக்கல் பாடல் வெளியிடப்பட்டுள்ளது. 

ரஜினிகாந்த் - நெல்சன் திலீப்குமார் கூட்டணியில் மரண மாஸாக ‘ஜெயிலர்’ திரைப்படம் உருவாகி வருகிறது. இந்த படத்தில் ரஜினியுடன் இணைந்து மோகன்லால், ஜாக்கி ஷெராஃப், சிவ ராஜ்குமார், சுனில், தமன்னா, யோகிபாபு, விநாயகன், வசந்த் ரவி உள்ளிட்டோர் முக்கிய கதாபாத்திரங்களில் நடித்துள்ளனர்.

சன் பிக்சர்ஸ் தயாரிப்பில் சூப்பர் ஸ்டார் ரஜினிகாந்தின் நடிப்பில் ‘ஜெயிலர்’ திரைப்படம் உருவாகி வருகிறது. இந்த படம் வரும் ஆகஸ்ட் 10-ஆம் தேதி வெளியாகும் என அறிவிக்கப்பட்டுள்ளது. ஜெயில் கதைக்களம் கொண்ட இந்த படத்தில் முத்துவேல் பாண்டியன் என்ற ஓய்வுபெற்ற ஜெயிலர் கதாபாத்திரத்தில் நடித்துள்ளார். 

இந்த படத்தின் தயாரிப்பு பணிகள் விறுவிறுப்பாக நடைபெற்று வருகிறது. சமீபத்தில் ‘ஜெயிலர்’ படத்தில் இருந்து ‘காவாலா’ பாடல் வெளியாகி இணையத்தை கலக்கி வருகிறது. இந்நிலையில் ‘Hukum’ என்று தொடங்கும் இரண்டாவது லிரிக்கல் பாடல் வெளியாகியுள்ளது. அனிரூத் இசையமைத்து பாடியுள்ள அந்த பாடலை சூப்பர் சுப்பு எழுதியுள்ளார். அலப்பறை கிளப்புறோம்.. தலைவரு நிரந்தரம் என பாடலில் இடம்பெற்றுள்ள வரிகள் கவனம் ஈர்த்து வருகிறது. இந்த பாடல் ரசிகர்களிடையே வரவேற்பை பெற்றுள்ளது.