அலறவிடும் ஆக்ஷன் கிங்... பிறந்தநாளில் வெளியான ‘லியோ’ கிளிம்ப்ஸ் !

 நடிகர் அர்ஜூனின் பிறந்தநாளையொட்டி ‘லியோ’ படத்தின் கிளிம்ப்ஸ் வீடியோ வெளியிடப்பட்டுள்ளது. 

செவன் ஸ்கிரீன் ஸ்டுடியோ நிறுவனம் தயாரிப்பில் நடிகர் விஜய் நடித்து வரும் திரைப்படம் 'லியோ' . முழுக்க முழுக்க கேங்ஸ்டர் கதைக்களத்தில் உருவாகி வரும் இந்த படத்தை லோகேஷ் கனகராஜ் இயக்கி வருகிறார். ஆக்ஷன் த்ரில்லர் படமாக உருவாகும் இந்த படம் வரும் அக்டோபர் மாதம் வெளியாகும் என அறிவிக்கப்பட்டுள்ளது. 

இந்த படத்தில் சஞ்சய் தத், திரிஷா, கௌதம் மேனன், மிஷ்கின், அர்ஜூன் உள்ளிட்டோர் முக்கிய கதாபாத்திரங்களில் நடித்து வருகின்றனர். இந்த படத்தின் படப்பிடிப்பு காஷ்மீர், சென்னை, ஆந்திரா உள்ளிட்ட இடங்களில் பல கட்டங்களாக நடைபெற்றது. இதையடுத்து தயாரிப்பு பணிகள் தொடங்கி விறுவிறுப்பாக நடைபெற்று வருகிறது. 

சமீபத்தில் பாலிவுட் நடிகர் சஞ்சய் தத் பிறந்தநாளையொட்டி இப்படத்தின் கிளிம்ப்ஸ் வீடியோ வெளியாகி வரவேற்பை பெற்றது. இந்நிலையில் ஆகஸ்ட் 15-ஆம் தேதி சுதந்திர தினத்தன்று நடிகர் அர்ஜூன் பிறந்தநாளை கொண்டாடும் நிலையில் ‘லியோ’ படத்தின் கிளிம்ப்ஸ் வீடியோ ஒன்று வெளியிடப்பட்டுள்ளது. நடிகர் அர்ஜூன், ஆக்ஷன் கிங்காக மிரட்டும் வெறித்தனமான அந்த வீடியோ வரவேற்பை பெற்றுள்ளது.