என் படத்தில் வெற்றிமாறனை வில்லனாக நடிக்க வைக்க ஆசை - லோகேஷ் கனகராஜ்

லோகேஷ் கனகராஜ் இயக்கத்தில் நடிகர் விஜய் நடித்துள்ள ‘லியோ’ திரைப்படம் கடந்த 19-ம் தேதி உலகம் முழுவதும் வெளியானது. இந்த படத்தில் அர்ஜூன், த்ரிஷா, சஞ்சய் தத், ப்ரியா ஆனந்த், மற்றும் திரைப்பட இயக்குநர்கள் மிக்ஷின், கௌதம் வாசுதேவ் மேனன் உள்ளிட்ட பிரபலங்கள் நடித்துள்ளனர். அனிருத் இசையமைக்க, செவன் ஸ்க்ரீன் ஸ்டூடியோ தயாரித்துள்ளது. முதல் நாளில் 148 கோடி ரூபாய் வசூலித்த லியோ திரைப்படம், தற்போது 600 கோடிக்கு மேல் வசூல் ஈட்டியுள்ளது. நடப்பு வருடத்தில் முதல் நாளிலேயே 140 கோடி வசூலித்த முதல் திரைப்படம் லியோ என்ற பெருமையும் கிடைத்துள்ளது. 

இந்நிலையில், இயக்குநர் வெற்றி மாறனை தனது திரைப்படத்தில் வில்லனாக நடிக்க வைக்க ஆசை என்று லோகேஷ் கனகராஜ் தெரிவித்துள்ளார். அவரிடம் மூன்று முறை கேட்டும், வில்லனாக நடிக்க மறுத்துவிட்டதாக தெரிவித்துள்ளார்.