ரூ.100 கோடி வசூலை அள்ளிய லக்கி பாஸ்கர் ஓடிடியில் வெளியாகிறது!
துல்கர் சல்மான், மீனாட்சி சவுத்ரி உள்ளிட்டோர் நடிப்பில் வெளியாகி நல்ல வரவேற்பை பெற்ற ‘லக்கி பாஸ்கர்’ படம் ஓடிடியில் வெளியாகவுள்ளது.
நடிகர் துல்கர் சல்மான் நடித்துள்ள லக்கி பாஸ்கர் படத்தை வெங்கி அட்லூரி இயக்கியுள்ளார். இந்த படத்தில் அவருக்கு ஜோடியாக நடிகை மீனாட்சி சவுத்ரி நடித்துள்ளார். சித்தாரா எண்டர்டெயின்மென்ட் மற்றும் பார்ச்சூன் 24 ஆகிய நிறுவனங்கள் இணைந்து தயாரிக்கும் இந்த படத்துக்கு ஜி.வி.பிரகாஷ் குமார் இசையமைத்துள்ளார். இப்படம் தீபாவளியை முன்னிட்டு வெளியானது. திரைப்படம் மக்களிடையே பெரும் வரவேற்பை பெற்ற இப்படம் வெளியாகி இரண்டு வாரங்களில் வசூலில் 100 கோடி ரூபாயை கடந்தது.
இந்நிலையில் துல்கர் சல்மான், மீனாட்சி சவுத்ரி உள்ளிட்டோர் நடிப்பில் வெளியாகி நல்ல வரவேற்பை பெற்ற ‘லக்கி பாஸ்கர்’ படம் வரும் 30ம் தேதி Netflix - OTT தளத்தில் வெளியாக உள்ளதாக படக்குழு அறிவித்துள்ளது.
