வசூல் மழையில் லக்கி பாஸ்கர் - 2 நாள் வசூல் குறித்து அதிகாரப்பூர்வ அறிவிப்பு

வெங்கி அட்லூரி இயக்கத்தில் தனுஷ் நடிப்பில் வெளியான 'வாத்தி' திரைப்படம் ரூ.100 கோடிக்கு மேல் வசூல் செய்து வெற்றி படமாக அமைந்தது. அப்படத்தின் வெற்றியை தொடர்ந்து, நடிகர் துல்கர் சல்மான் நடித்துள்ள லக்கி பாஸ்கர் படத்தை வெங்கி அட்லூரி இயக்கியுள்ளார். இந்த படத்தில் அவருக்கு ஜோடியாக நடிகை மீனாட்சி சவுத்ரி நடித்துள்ளார். சித்தாரா எண்டர்டெயின்மென்ட் மற்றும் பார்ச்சூன் 24 ஆகிய நிறுவனங்கள் இணைந்து தயாரிக்கும் இந்த படத்துக்கு ஜி.வி.பிரகாஷ் குமார் இசையமைத்துள்ளார். இப்படம் தீபாவளியை முன்னிட்டு வெளியானது. திரைப்படம் மக்களிடையே பெரும் வரவேற்பை பெற்று வருகிறது. ஒரு சாதாரண வங்கி ஊழியர் சில சூழ்நிலைக்காரணமாக பெரும் பணம் சம்பாதிக்கும் வாய்ப்பு கிடைக்கிறது. பிறது அதுவே ஒரு சிக்கலாக உருவாகிறது. இதுவே இப்படத்தின் கதைக்களமாகும்.. மிக சுவாரசியமான டிவிஸ்ட் மற்றும் எதிர்ப்பாராத காட்சிஅமைப்புகள் பார்வையாளர்களை குஷிப்படுத்தியுள்ளது. சென்னையில் இன்று பெரும்பாலான திரையரங்குகளில் ஹவுஸ் ஃபுல்லாக ஓடிக்கொண்டு இருக்கிறது. திரைப்படம் 2 நாட்களில் 26.2 கோடி ரூபாய் வசூலித்துள்ளது குறிப்பிடத்தக்கது. இன்னும் வரும் நாட்களில் அதிக வசூல் பெறும் என எதிர்ப்பார்க்கப்படுகிறது.

Our Baskhar is 𝐔𝐍𝐒𝐓𝐎𝐏𝐏𝐀𝐁𝐋𝐄 at the box office, 𝟐𝟔.𝟐 𝐂𝐑+ 𝐆𝐑𝐎𝐒𝐒 worldwide in 2 Days! 🔥💰#BlockbusterLuckyBaskhar 💥💥

𝑼𝑵𝑰𝑽𝑬𝑹𝑺𝑨𝑳 𝑫𝑰𝑾𝑨𝑳𝑰 𝑩𝑳𝑶𝑪𝑲𝑩𝑼𝑺𝑻𝑬𝑹 🏦 #LuckyBaskhar In Cinemas Now - Book your tickets 🎟 ~ https://t.co/Gdd57KhHT3… pic.twitter.com/KHw1GjC2kL

— Dulquer Salmaan (@dulQuer) November 2, 2024