உலகளவில் ரூ.150 கோடி வசூல் செய்து சாதனை படைத்த 'மகாராஜா'

நடிகர் விஜய் சேதுபதி நடிப்பில் உருவான மகாராஜா திரைப்படம் உலகளவில் 150 கோடி வசூல் செய்துள்ளதாக அதிகாரப்பூர்வமாக  அறிவிக்கப்பட்டுள்ளது. 

 விஜய் சேதுபதி நடித்த 'மகாராஜா' கடந்த ஜூன் மாதம் தமிழ்நாட்டில் பல திரையரங்குகளில் வெளியானது, மேலும் படம் மிகப்பெரிய வெற்றியைப் பெற்றது. ஆரம்ப வெளியீட்டைத் தொடர்ந்து, 'மகாராஜா' சமீபத்தில் சீனாவில் நவம்பர் 29 அன்று வெளியிடப்பட்டது, மேலும் இப்படம் சீனாவில் ஒட்டு மொத்தமாக 40 ஆயிரம் திரையரங்குகளில் வெளியாகி சாதனை படைத்தது  

'மகாராஜா' சீன ரசிகர்களிடமிருந்து தொடர்ந்து பாராட்டைப் பெற்றது மற்றும் வெளிநாட்டு இடங்களில் இருந்து நேர்மறையான விமர்சனங்களும் வந்து கொண்டிருக்கிறது. கடந்த ஒருவாரமாக சீன திரையரங்குகளில் ஓடிய 'மகாராஜா' சீன மார்க்கெட்டில் ரூ.40 கோடி வசூலித்ததாக சினிட்ராக் தெரிவித்துள்ளது. சீன மார்க்கெட்டில் இருந்து சேர்க்கப்பட்ட வசூலுடன் சேர்ந்து 'மகாராஜா' படம் ஒட்டுமொத்தமாக இதுவரை ரூ.150 கோடி வசூல் செய்துள்ளதாக தகவல் வெளியாகியுள்ளது. 
 

#Maharaja👑@VijaySethuOffl @PassionStudios_ @TheRoute @Sudhans2017 @Jagadishbliss @anuragkashyap72 @AJANEESHB @DKP_DOP @philoedit #VJS50 pic.twitter.com/hjiujAwiZT

— Nithilan Saminathan (@Dir_Nithilan) December 6, 2024

 
 சீனாவில் முன்பு வெளியான தமிழ் படங்களான '2.0', 'கனா' மற்றும் 'மெர்சல்' ஆகிய படங்களைத் தொடர்ந்து அதிக வசூல் செய்த தமிழ்ப் படமாக உள்ளது, மேலும் இந்தப் படம் விஜய் சேதுபதியின் அதிக வசூல் செய்த படமாகவும் உள்ளது குறிப்பிடத்தக்கது. 

குரங்கு பொம்மை என்ற வித்தியாசமான கதைக்களத்துடன் தமிழ் சினிமாவில் அறிமுகமான இயக்குனர் நித்திலன் சுவாமிநாதனுக்கு இப்படம் மாபெரும் திருப்புமுனையாக அமைந்துள்ளது. மேலும் இப்படம் ரூ.100 கோடி வசூலைக் கடந்த பொழுதே படக்குழுவினர் இயக்குனருக்கு சொகுசு கார் ஒன்றை பரிசாக அளித்து இருந்தது குறிப்பிடத்தக்கது.