நடிகர் தனுஷ் உடன் ஜோடி சேரும் மமிதா பைஜூ..?
நடிகர் தனுஷ் உடன் பிரேமலு படம் மூலம் புகழ்பெற்ற மமிதா பைஜூ நடிக்கவுள்ளதாக தகவல் வெளியாகி உள்ளது.
சினிமாவில் முன்னணி நடிகர்களில் ஒருவர் தனுஷ். இவர், நடிகராக மட்டுமன்றி இயக்குநராகவும் விளங்கி வருகிறார். கடைசியாக இவர் இயக்கத்தில் நிலவுக்கு என் மேல் என்னடி கோபம் வெளியானது. மேலும் இட்லி கடை படத்தை இயக்கி நடித்து வருகிறார். இவர் தற்போது போர் தொழில் இயக்குனர் விக்னேஷ் ராஜா இயக்கத்தில் நடிக்கவுள்ளதாகவும், இந்த படத்தில் தனுஷுக்கு ஜோடியாக மமிதா பைஜூ நடிக்க இருப்பதாக கூறப்படுகிறது.
பிரேமலு திரைப்படம் மூலம் மக்கள் மத்தியில் பிரபலமான இவர், தற்போது தமிழிலும் எண்ட்ரி கொடுத்துள்ளார். விஜய்யுடன் ஜன நாயகன் திரைப்படத்தில் நடித்து வருகிறார். மமிதா, தனுஷுடன் இணைந்து நடிக்க இருப்பது குறித்த தகவல் இணையத்தில் வைரலாகி வருகிறது. ஆனால், இது குறித்த அதிகாரப்பூர்வ தகவல்கள் வெளியாகவில்லை.
