நயன்தாராவின் ‘மண்ணாங்கட்டி’ படப்பிடிப்பு -கொடைக்கானலில் துவக்கம்.

நடிகை நயன்தாரா நடிக்க உள்ள ‘மண்ணாங்கட்டி Since 1960’ படத்தின் படப்பிடிப்பு கொடைக்கானலில் துவங்கியுள்ளது.

தமிழ், மலையாளம், இந்தி உள்ளிட்ட மொழிகளில் நடித்து அசத்தி வரும் நயன்தாரா. தற்போது‘மண்ணாங்கட்டி Since 1960’ என்ற படத்தில் நடிக்க கமிட்டாகியுள்ளார். இந்த படத்தை கார்த்தியின் சர்தார் படத்தை தயாரித்த, பிரின்ஸ் பிக்சர்ஸ் நிறுவனம் தயாரிக்கின்றனர். படத்தை பிளாக் ஷீப் யூட்யூப் சேனல் மூலமாக பிரபலமான டியூட் விக்கி இயக்குகிறார். தொடர்ந்து படத்தில் யோகிபாபு, கௌரி கிஷன், தேவதர்ஷினி ஆகியோர் நடிக்கின்றனர். படத்திற்கு சீன் ரோல்டன் இசையமைக்க உள்ளார்.

படத்தின் பூஜை கடந்த மாதம் போடப்பட்ட நிலையில் தற்போது படப்பிடிப்பு கொடைக்கானலில் துவங்கியுள்ளது. இது குறித்த புகைப்படம் இணையத்தில் வெளியாகி வைரலாகி வருகிறது.