மார்கழி திங்கள் படத்தின் வெளியீட்டு தேதியில் மீண்டும் மாற்றம்

இயக்குநர் சுசீந்திரனின் வெண்ணிலா புரொடக்ஷன்ஸ் தயாரிப்பில் உருவாகியுள்ள திரைப்படம் மார்கழி திங்கள். இப்படத்தின் மூலம் நடிகர் மனோஜ் பாரதிராஜா இயக்குநராக அறிமுகமாகிறார். புதுமுகங்களைக் கொண்டு உருவாகும் இப்படத்தில் முக்கியமான ஒரு கதாபாத்திரத்தில் பாரதிராஜா நடித்துள்ளார். இளையராஜா இத்திரைப்படத்திற்கு இசையமைத்துள்ளார். இப்படத்தின் படப்பிடிப்பு கடந்த மே மாதம் தொடங்கி விறுவிறுப்பாக நடைபெற்று வந்த நிலையில், அண்மையில் நிறைவடைந்து பின்னணி வேலைகள் நடைபெற்று வருகின்றன. இந்நிலையில், மார்கழி திங்கள் படத்தின் முன்னோட்டம் சமூக வலைதளங்களில் வெளியாகியுள்ளது. 

இப்படம் அக்டோபர் 16-ம் தேதி வெளியாகும் என்று அறிவிக்கப்ட்ட நிலையில், தற்போது வெளியீட்டு தேதியை படக்குழு தள்ளிவைத்துள்ளது. அதன்படி, வரும் அக்டோபர் 27-ம் தேதி படத்தை வெளியிட படக்குழு முடிவு செய்துள்ளது.