நானி தயாரித்த 'கோர்ட்' படத்தின் ஓடிடி அப்டேட்...!
நானி தயாரித்துள்ள கோர்ட்' படத்தின் ஓடிடி அப்டேட் வெளியாக உள்ளது.
தெலுங்கு திரையுலகில் முன்னணி இளம் நடிகராக வலம் வருபவர் நானி. இவர் நடிப்பில் வெளியான 'ஷியாம் சிங்கா ராய்', 'அடடே சுந்தரா', 'ஹாய் நான்னா' , சூர்யாவின் சனிக்கிழமை' திரைப்படங்கள் நல்ல வரவேற்பைப் பெற்றது. இந்நிலையில் அவர் தயாரிப்பாளராகவும் இருந்து வருகிறார். இவர் தயாரிப்பில் அண்மையில் 'கோர்ட்' என்ற படம் வெளியானது. 
'கோர்ட்' படத்தில் பிரியதர்ஷி புலிகொண்டா முக்கிய வேடத்தில் நடித்துள்ளார்.மேலும், ஹர்ஷ் ரோஷன், சாய் குமார், ரோகிணி, சிவாஜி உள்ளிட்ட பலர் நடித்துள்ளனர். இப்படம் முதல் நாளே உலகளவில் ரூ.10 கோடி வசூலை குவித்துள்ளது. இதுவரை, 'கோர்ட்' படம் ரூ.80 கோடிக்கும் அதிகமாக வசூல் செய்துள்ளதாக கூறப்படுகிறது. இந்த நிலையில் இப்படத்தின் ஓ.டி.டி ரிலிஸ் குறித்த தகவல் வெளியாகி உள்ளது. அதன்படி. கோர்ட் படம் நெட்பிளிக்ஸ் ஓ.டி.டி தளத்தில் வருகிற ஏப்ரல் 11-ந் தேதி வெளியாகும் என்று எதிர்பார்க்கப்படுகிறது.
