'நெல்சன்' பட ஹீரோ இந்த புது மாப்பிள்ளையா!- வைரல் தகவல்.
பிரபல இயக்குநரான நெல்சன் தற்போது தயாரிப்பில் களமிறங்க உள்ளார். இந்த நிலையில் அவர் தயாரிக்க உள்ள முதல் படத்தில் நடிக்கபோகும் ஹீரோ யார் என்ற தகவல் வெளியாகி வைரலாகி வருகிறது.
கோலமாவு கோகிலா படத்தின் மூலமாக இயக்குநராக அறிமுகமான நெல்சனுக்கு முதல் படத்திலேயே நல்ல வரவேற்பு கிடைத்தது. தொடர்ந்து சிவகார்த்திகேயனின் ‘டாக்டர்’ படத்தை இயக்கி முன்னணி இயக்குநர்கள் லிஸ்டில் இணைந்தார். அடுத்து தளபதி விஜய்யை இயக்கும் வாய்ப்பு கிடைத்தது அவரை வைத்து ‘பீஸ்ட்’ படத்தை கொடுத்தார். படம் வசூல் ரீதியாக ஜெயித்தாலும் விமர்சன ரீதியாக கடும் விமர்சனத்தை சந்தித்தது. அடுத்து சூப்பர் ஸ்டார் ரஜினியை வைத்து ‘ஜெயிலர்’ எனும் பிளாக் பஸ்டர் படத்தை கொடுத்தார்.
படத்தின் வெற்றி பலரையும் வாய் பிளக்க வைத்தது. இந்த நிலையில் இதுவரை இயக்கத்தில் மட்டும் நாட்டம்கொண்ட நெல்சன் தற்போது தயாரிப்பில் களமிறங்க உள்ளதாக தகவல் வந்துள்ளது. அதன்படி அவரது முதல் தயாரிப்பில் ஹீரோவாக புது மாப்பிள்ளையான கவின் நடிக்க உள்ளார். அனிருத் படத்திற்கு இசையமைக்க உள்ளார். இந்த படத்தை நெல்சனின் உதவி இயக்குநரான சிவபாலன் இயக்க உள்ளார். மேலும் படத்தின் கதாநாயகியாக பிரியங்கா அருள் மோகன் நடிக்க அதிக வாய்ப்புள்ளதாக கூறப்படுகிறது.
