ஆஸ்கர் விருது வென்ற நடிகர் ஜீன் ஹேக்மேன், மனைவி உடன் சடலமாக மீட்பு...

பிரபல ஹாலிவுட் குணச்சித்திர நடிகர் ஜீன் ஹேக்மேன் மற்றும் அவரது மனைவி பெட்ஸி அரகாவா ஆகியோர் அவர்களது வீட்டில் உயரிழந்த நிலையில் சடலமாக கண்டெடுக்கப்பட்டுள்ளனர்.

ஆஸ்கர் விருது பெற்ற ஹாலிவுட் நடிகர் ஜீன் ஹேக்மேன் (95). சூப்பர்மேன் உள்பட பல்வேறு படங்களில் நடித்து பிரபலமானார்.  தி பிரெஞ்சு கனெக்சன் உள்ளிட்ட படங்களுக்காக ஆஸ்கார் விருதை தட்டிச்சென்றார். ஆஸ்கர் விருதுக்கு இவரது பெயர் 5 முறை பரிந்துரை செய்யப்பட்டது. அதன்பின் 1970-களின் நடுப்பகுதியில் சினிமாவை விட்டு ஒதுங்கினார்.

இதையடுத்து, நியூ மெக்சிகோ மாகாணத்தில் தனது மனைவி பெட்ஸி அரகாவா (63) உடன் வசித்து வந்தார். இந்நிலையில்,  ஜீன் ஜேக்மேன் வீடு நீண்ட நேரமாக பூட்டியே கிடந்ததால்  அக்கம்பக்கத்தினர் காவல்துறையினருக்கு தகவல் அளித்தனர். அதன் பேரில் சம்பவ இடத்திற்கு வந்த காவல்துறையினர் வீடு பூட்டிக் கிடந்ததால் கதவை உடைத்துக் கொண்டு உள்ளே சென்றனர். அங்கு ஜீன், அவரது மனைவி அரகாவா ஆகியோர் சடலமாக கிடந்தனர். அவர்களின் செல்லப் பிராணியான நாயும் செத்துக் கிடந்தது. இதுதொடர்பாக, வழக்குப்பதிவு செய்த போலீசார் அவர்கள் தற்கொலை செய்துகொண்டனரா அல்லது கொலையா என்ற கோணத்தில் விசாரணை நடத்தி வருகின்றனர்.