இறுகப்பற்று திரைப்படத்தின் ஓடிடி ரிலீஸ் அறிவிப்பு

'மாயா', 'மாநகரம்', 'மான்ஸ்டர்' மற்றும் 'டாணாக்காரன்' உள்ளிட்ட படங்களை தயாரித்த பொடன்ஷியல் ஸ்டூடியோவின் அடுத்த தயாரிப்பு ‘இறுகப்பற்று’. யுவராஜ் தயாளன் இப்படத்தை இயக்குகிறார். விக்ரம் பிரபு நாயகனாக நடிக்கும் இப்படத்தில் ஷ்ரத்தா ஸ்ரீநாத், விதார்த், ஸ்ரீ, அபர்நதி, சானியா ஐயப்பன் ஆகியோர் முக்கிய கதாபாத்திரங்களஇல் நடித்துள்ளனர். ஜஸ்டின் பிரபாகர் இசையமைத்துள்ளார். கார்த்திக் நேதா பாடல் வரிகளை எழுதியுள்ளார். இத்திரைப்படம் கடந்த 6-ம் தேதி திரையரங்குகளில் வெளியானது. படம் வெளியான நாள் முதலே நல்ல வரவேற்பை பெற்று வருகிறது. 

இந்நிலையில், இறுகப்பற்று திரைப்படத்தின் ஓடிடி ரிலீஸ் குறித்து அறிவிக்கப்பட்டுள்ளது. அதன்படி வரும் நவம்பர் 6-ம் தேதி நெட்பிளிக்ஸ் தளத்தில் இப்படம் வெளியாகிறது.