ரூ.100 கோடி வசூலை நெருங்கும் பிரதீப் ரங்கநாதனின் ‘டிராகன்’ ...!

பிரதீப் ரங்கநாதன் நடிப்பில் வெளியாகியுள்ள டிராகன் படம் ரூ.100 கோடி வசூலை நெருங்குவதாக தகவல் வெளியாகி உள்ளது.

இயக்குநர் அஷ்வத் மாரித்து மற்றும் பிரதீப் ரங்கநாதன் கூட்டணியில் உருவாகி வெளியான திரைப்படம் 'டிராகன்’. லியோன் ஜேம்ஸ் இந்தப் படத்திற்கு இசையமைத்துள்ளார். இந்தப் படத்தில் அனுபமா பரமேஸ்வர், கயாடு லோஹர், மிஷ்கின் உள்ளிட்ட பலர் நடித்துள்ளனர். ஏ.ஜி.எஸ். நிறுவனம் இந்தப் படத்தை தயாரித்துள்ளது. இந்தப் படம் கடந்த பிப்ரவரி 21-ம் தேதி திரையரங்குகளில் வெளியானது. திரைப்படம் வெளியாகி மக்களிடையே பெரும் வரவேற்பை பெற்று வருகிறது. சமூக வலைதளங்களில் டிராகன் படத்தை கொண்டாடி கமெண்ட் செய்து வருகின்றனர்.

இந்நிலையில், இந்தப் படம் இதுவரை ரூ.90 கோடியை வசூலித்துள்ளதாக கூறப்படுகிறது. விரைவில் படம் ரூ.100 கோடி வசூலை எட்டும் எனவும் கூறப்படுகிறது. படத்தின் பட்ஜெட் ரூ.36 கோடி என்பது குறிப்பிடத்தக்கது