ரூ.1000 கோடி வசூலை கடந்த புஷ்பா 2 புதிய சாதனை !
அல்லு அர்ஜுன் நடிப்பில் வெளியாகியிருக்கும் புஷ்பா 2 திரைப்படம், 6 நாட்களில் உலகளவில் 1000 கோடி வசூல் செய்த வேகமான இந்திய திரைப்படம் என்ற சாதனை படைத்துள்ளது.
மைத்ரி மூவி மேக்கர்ஸ் தயாரிப்பில் சுகுமார் இயக்கத்தில் அல்லு அர்ஜூன், ராஷ்மிகா மந்தனா, ஃபகத் ஃபாசில் உள்ளிட்ட பலர் நடிப்பில் கடந்த 5ஆம் தேதி வெளியான திரைப்படம் ’புஷ்பா 2’. புஷ்பா முதல் பாகம் மாபெரும் வெற்றி அடைந்ததால் இரண்டாம் பாகம் அறிவிக்கப்பட்டது முதலே ரசிகர்கள் மத்தியில் எதிர்பார்ப்பு தொற்றிக் கொண்டது.
'பாகுபலி' திரைப்படத்திற்கு பிறகு 'புஷ்பா' திரைப்படம் தெலுங்கு சினிமாவிற்கு முக்கியமான படமாக அமைந்தது. தென்னிந்தியாவை விட புஷ்பா முதல் பாகத்திற்கு வட இந்தியாவில் பெரும் வரவேற்பை பெற்றது. மேலும் புஷ்பா முதல் பாகத்திற்காக அல்லு அர்ஜூன் மற்றும் இசையமைப்பாளர் தேவி பிரசாத் ஆகியோர் தேசிய விருது வென்றனர். இதனால் புஷ்பா 2 திரைப்படத்திற்கு மிகப்பெரிய ஓபனிங் கிடைக்கும் என எதிர்பார்க்கப்பட்டது.அதேபோல் புஷ்பா 2 திரைப்படம் வெளியானது முதல் உலகம் முழுவதும் வசூல் சாதனை படைத்து வருகிறது. இப்படம் வெளியாகி 2 நாட்களில் புஷ்பா முதல் பாகத்தின் வாழ்நாள் சாதனையை முறியடித்தது. அதுவும் தென்னிந்தியாவை விட வட இந்தியாவில் புஷ்பா 2 திரைப்படம் வசூலை வாரி குவித்து வருகிறது.
THE BIGGEST INDIAN FILM rewrites history at the box office 💥💥💥#Pushpa2TheRule becomes the FASTEST INDIAN FILM to cross 1000 CRORES GROSS WORLDWIDE in 6 days❤🔥#PUSHPA2HitsFastest1000Cr
— Mythri Movie Makers (@MythriOfficial) December 11, 2024
Sukumar redefines commercial cinema 🔥
Book your tickets now!
🎟️… pic.twitter.com/GLsTv9LeGO
புஷ்பா 2 திரைப்படம் வசூல் ரீதியாக வெற்றி பெற்றுள்ள நிலையில், கலவையான விமர்சனங்களை பெற்று வருகிறது. தற்போது புஷ்பா 2 வசூல் 6 நாட்களில் 1002 கோடியை எட்டியுள்ளது. இதன் மூலம் படம் வெளியான 6 நாட்களில் உலகளவில் 1000 கோடி வசூல் செய்த வேகமான இந்திய திரைப்படம் என்ற சாதனை படைத்துள்ளது.இப்படம் ஏற்கனவே , ரஜினிகாந்த் நடிப்பில் வசூல் சாதனை படைத்த 2.0 படத்தின் வாழ்நாள் வசூலை முறியடித்துள்ளது. மேலும் விரைவில் கல்கி, RRR, பாகுபலி பட சாதனையை முறியடிக்கும் என எதிர்பார்க்கப்படுகிறது.
