ஆஸ்காரில் நுழைந்த ராயன்.. இயக்குநராக பெரும் மகிழ்ச்சியில் தனுஷ்!

நடிகர் தனுஷ் தனது 50-வது படத்தை தானே இயக்கியும், நடித்தும் உள்ளார். இந்த படம் கடந்த ஜூலை 26ம் தேதி வெளியாகி நல்ல வரவேற்பை பெற்றது. இந்த படத்தில் தனுஷ்யுடன் சேர்ந்து எஸ். ஜே சூர்யா, செல்வராகவன், பிரகாஷ் ராஜ், வரலக்ஷ்மி சரத்குமார், அபர்ணா பாலமுரளி உள்ளிட்ட பலர் நடித்துள்ளனர். இந்த படம் முழுக்க முழுக்க சண்டை கட்சிகளால் நிரம்பி இருக்க பல ஹாலிவுட் படங்களைப் போல் இருக்கின்றது என பலர் குறிப்பிட்டிருந்தனர். இந்தநிலையில், ஆஸ்கார் விருதினை வழங்கும் அகாடமி நிறுவனமான அகாடமி ஆஃப் மோஷன் பிக்சர் ஆர்ட்ஸ் அண்ட் சைன்ஸ் நிறுவனத்தில் உள்ள நூலகத்தில் ராயன் படத்தின் திரைக்கதை புத்தகத்தை வைக்க தேர்வாகியுள்ளது. இந்த தகவலை ராயன் படத்தின் தயாரிப்பு நிறுவனம் ஆனா, சன் பிக்சர்ஸ் தெரிவித்துள்ளது. இந்த தகவல் இயக்குனர் தனுஷ், மற்றும் படக்குழுவினர் அனைவருக்கும் மகிழ்ச்சியை ஏற்படுத்தியுள்ளது. இது தனுஷுக்கு கிடைத்த மாபெரும் பெருமை என பலரும் பாராட்டி வருகின்றனர்.