‘ராயர் பரம்பரை’ அப்டேட்டை வெளியிடும் பிரபல இயக்குனர்.. படக்குழு அறிவிப்பு !

 நடிகர் கிருஷ்ணாவின் ‘ராயர் பரம்பரை’ படத்தின் அப்டேட்டை பிரபல இயக்குனர் வெளியிடுகிறார்.  

தமிழ் சினிமாவில் இளம் நாயகனாக நடித்து வருபவர் நடிகர் கிருஷ்ணா. கழுகு படத்தின் மூலம் பிரபலமான இவர்,  தற்போது ‘ராயர் பரம்பரை’ என்ற புதிய படத்தில் நடித்து வருகிறார். இந்த படத்தில் கிருஷ்ணாவுக்கு ஜோடியாக சரண்யா நாயர், அனுசுலா, கிருத்திகா என மூன்று கதாநாயகிகள் நடித்துள்ளனர். இந்த படத்தை ராம்நாத் என்பவர் இயக்கி வருகிறார். 

இப்படத்தில் பழம்பெரும் நடிகை கே.ஆர்.விஜயா முக்கிய கதாபாத்திரத்தில் நடித்துள்ளார். மேலும் ஆனந்தராஜ், மொட்டை ராஜேந்திரன், மனோபாலா, கஸ்தூரி, பவர் ஸ்டார், தங்கதுரை,  ஷாலு ஷம்மு உள்ளிட்ட திரைப்பிரபலங்களும் நடித்துள்ளனர். மிகுந்த பொருட்செலவில் உருவாக்கப்பட்டுள்ள இப்படத்தை சின்னசாமி சினி கிரியேஷன்ஸ் சார்பில் சின்னசாமி மௌனகுரு தயாரித்துள்ளார்.  

செண்டிமென்ட் கலந்த காமெடி படமாக உருவாகிய இப்படத்தின் படப்பிடிப்பு நிறைவுபெற்று தயாரிப்பு பணிகள் நடைபெற்று வருகிறது. ஏற்கனவே இப்படத்தின் ஃப்ர்ஸ்ட் லுக் போஸ்டர் வெளியாகி நல்ல வரவேற்பை பெற்றுள்ளது. இந்நிலையில் இப்படத்தின் மோஷன் போஸ்டரை பிரபல இயக்குனரான விஜய் மில்டன்  நாளை 5 மணிக்கு வெளியிடுவார் என்று படக்குழு அறிவித்துள்ளது.