50 நாளில் ரிலீஸ்.. புதிய போஸ்டரை வெளியிட்ட ‘மதராஸி’ படக்குழு.. குஷியில் எஸ்.கே ரசிகர்கள்..!!
ஏ.ஆர்.முருகதாஸ் இயக்கத்தில் சிவகார்த்திகேயன் நடிக்கும் ‘மதராஸி’ திரைப்படம் வெளியாக இன்னும் 50 நாட்கள் உள்ள நிலையில், படக்குழு புதிய போஸ்டரை வெளியிட்டுள்ளது.
தனித்துவமான நடிப்பு, சிறந்த கதை தேர்வு, கேஷுவல் மேனரிசம் மூலம் குறுகிய காலத்தில் தமிழ் சினிமாவில் முன்னணி நடிகராக உயர்ந்துள்ளவர் சிவகார்த்திகேயன். கடைசியாக இவரது நடிப்பில் வெளியான ‘அமரன்’ திரைப்படம் மிகப்பெரிய வெற்றிப்படமாக அமைந்தது. இதனைத்தொடர்ந்து ஏ.ஆர்.முருகதாஸ் இயக்கத்தின் தனது 23வது படத்தில் நடித்து வருகிறார் சிவகார்த்திகேயன். ‘மதராஸி’ எனப்பெயரிடப்பட்டுள்ள இந்தப்படத்தில் ருக்மினி வசந்த், விக்ராந்த், வித்யூத் ஜாம்வால், பிஜூ மேனன், டான்சிங் ரோஸ் ஷபீர் உள்ளிட்ட பலர் முக்கிய கதாப்பாத்திரங்களில் நடித்துள்ளனர்.
ஸ்ரீலட்சுமி மூவிஸ் நிறுவனம் தயாரிக்கும் இந்தப்படத்திற்கு அனிருத் இசையமைக்கிறார். முன்னதாக சிவகார்த்திகேயன் பிறந்தநாளை முன்னிட்டு படத்தின் டைட்டில் கிளிம்ப்ஸ் மற்றும் ஃபர்ஸ்ட் லுக் போஸ்டரை வெளியிட்டு படக்குழு வாழ்த்து தெரிவித்திருந்தது. இந்தப்படம் வருகிற செப்டம்பர் 5ம் தேதி திரையரங்குகளில் வெளியாகும் என அறிவிக்கப்பட்டுள்ளது. ‘மதராஸி’ திரைப்படம் வெளியாக இன்னும் 50 நாட்கள் உள்ள நிலையில், படக்குழு புதிய போஸ்டரை வெளியிட்டுள்ளது. அதில் சிவகார்த்திகேயன் கையில் துப்பாக்கியுடன் இருப்பது போன்ற காட்சி போஸ்டரில் இடம்பெற்றுள்ளது.
Loading 💥💥💥#Madharaasi pic.twitter.com/B0JhrL14Yu
— Sivakarthikeyan (@Siva_Kartikeyan) July 17, 2025
