தீபாவளி பண்டிகைக்கு வெளியாகும் ரைடு... அதிகாரப்பூர்வ அறிவிப்பு வெளியீடு...

விக்ரம் பிரபு மற்றும் ஸ்ரீ திவ்யா நடித்துள்ள ரைடு திரைப்படம் வரும் தீபாவளிக்கு திரையரங்குகளில் வெளியாகிறது.

அண்மையில், விக்ரம் பிரபு நடிப்பில் இறுகப்பற்று என்ற படம் வெளியான நிலையில், அடுத்து ரெய்டு வர உள்ளது. கன்னடத்தில் சிவராஜ்குமார் நடிப்பில் வெளியான தகறு என்ற படத்தின் ரீமேக் தான் இந்த ரெய்டு திரைப்படம் ஆகும். இப்படத்தில் விக்ரம் பிரபுவுடன் ஸ்ரீதிவ்யா, ஆனந்திகா, ரிஷி ரித்விக், சவுந்தர்ராஜன் உட்பட பலர் முக்கிய கதாபாத்திரங்களில் நடித்திருக்கின்றனர். கார்த்திக் இயக்கி உள்ளார், சாம் சி. எஸ் இசை அமைத்துள்ளார்.

இந்நிலையில், ரைடு திரைப்படம் தீபாவளி பண்டிகைக்கு வெளியாகும் என படக்குழு அதிகாரப்பூர்வமாக அறிவித்துள்ளது. ஏற்கனவே தீபாவளிக்கு கார்த்தியின் ஜப்பான், லாரன்ஸின் ஜிகர்தண்டா 2 திரைப்படம் வெளியாக உள்ளநிலையில், தற்போது ரைடு படமும் தீபாவளி ரேஸில் இணைந்துள்ளது. இதனால், ரசிகர்களிடையே எதிர்பார்ப்பு எகிறியுள்ளது.