ஹனுமானாக ரிஷப் ஷெட்டி நடிக்கும் புதிய படம் -என்ன டைட்டில் தெரியுமா ?
தேஜா சஜ்ஜா நடிப்பில் வெளியாகி ஹிட்டான ‘ஹனுமான்’ என்ற பான் இந்தியா படத்தை இயக்கியிருந்த பிரசாந்த் வர்மா, தற்போது ‘ஜெய் ஹனுமான்’ என்ற படத்தை இயக்குகிறார். பிரசாந்த் வர்மா சினிமாடிக் யுனிவர்ஸின் ஒரு பகுதியான இதை மைத்ரி மூவி மேக்கர்ஸ் தயாரிக்கிறது. டி-சீரிஸ் இணைந்து தயாரிக்கிறது. ஹனுமானாக ரிஷப் ஷெட்டி நடிக்கிறார். தெலுங்கு, தமிழ், இந்தி, கன்னடம், மலையாளம் ஆகிய மொழிகளில் உருவாகும் இதில், அஸ்வத்தாமாவாக ராணா நடிக்க இருப்பதாக கூறப்படுகிறது. இந்நிலையில், இந்தி நடிகை வாமிகா கபி முக்கிய கேரக்டரில் நடிக்க ஒப்பந்தமாகியுள்ளார். செல்வராகவன் திரைக்கதையில் கீதாஞ்சலி செல்வராகவன் இயக்கிய ‘மாலை நேரத்து மயக்கம்’ என்ற படத்தின் மூலம் தமிழ் ரசிகர்களுக்கு பரிச்சயமான வாமிகா கப்பி, தற்போது ‘டிசி’ படத்தின் மூலம் தமிழ் படவுலகில் தனக்கென்று ஒரு இடத்தை பிடித்துள்ளார்.
‘ஜூபிளி’ என்ற வெப்தொடரில் அவர் ஏற்றிருந்த நிலோஃபர் குரேஷி என்ற கதாபாத்திரம், இந்திய அளவில் மிகப்பெரிய பாராட்டை பெற்றிருந்தது. தமிழில் அமேசான் பிரைமில் வெளியான ‘மாடர்ன் லவ்’ என்ற வெப்தொடரில், தியாகராஜன் குமாரராஜா இயக்கிய ‘நினைவோ ஒரு பறவை’ என்ற எபிசோடில் வித்தியாசமான நடிப்பை வழங்கியிருந்தார்..
