'சிவகார்த்திகேயன் 23' படம் எப்போ ரிலீஸ் ? வெளியான முக்கிய தகவல்..!

ஏ.ஆர்.முருகதாஸ் இயக்கத்தில் சிவகார்த்திகேயன் நடித்து வரும் 23வது படத்தின் ரிலீஸ் தேதி தற்போது வெளியாகியுள்ளது. சிவகார்த்திகேயன் நடித்து வரும் 23-ஆவது திரைப்படத்தை அடுத்த ஆண்டு ஜனவரி மாதம் வெளியிட படக்குழுவினர் திட்டமிட்டுள்ளனர். ஏ.ஆர்.முருகதாஸ் இயக்கத்தில் சிவகார்த்திகேயன் தன்னுடைய 23வது திரைப்படத்தில் நடித்து வருகிறார். இதற்கான படப்பிடிப்பு தொடங்கி விறுவிறுப்பாக நடைபெற்று வருகிறது.
சமீபத்தில் இந்தப் படத்திற்கான படப்பிடிப்பு தூத்துக்குடியில் நடைபெற்று முடிந்த நிலையில், தற்போது அடுத்த கட்ட படப்பிடிப்பை சென்னை தாம்பரம் பகுதியில் தொடங்குகின்றனர். அதற்கான படப்பிடிப்பு 20 நாட்கள் நடைபெறுகிறது. அத்துடன் படத்தின் 80 சதவீத காட்சிகள் நிறைவடைந்து விடும் என கூறப்படுகிறது. மீதம் இருக்கும் காட்சிகளை விரைவில் படமாக்கி, படத்தை அடுத்த ஆண்டு ஜனவரி மாதம் வெளியிட தயாரிப்பு நிறுவனம் திட்டமிட்டு இருக்கிறது. இந்த திரைப்படத்தில் சிவகார்த்திகேயனுக்கு ஜோடியாக ருக்மணி நடிக்கிறார், அதேபோல் அனிருத் இசையமைக்கிறார் என்பது குறிப்பிடத்தக்கது.