திட்டமிட்டபடி வெளியாகும் சிவகார்த்திகேயனின் ‘அயலான்’... உறுதிப்படுத்திய படக்குழு !

சிவகார்த்திகேயனின் ‘அயலான்‘ திரைப்படம் திட்டமிட்டபடி வெளியாகும் என தகவல் கசிந்துள்ளது. 

டான், பிரின்ஸ் ஆகிய படங்களை தொடர்ந்து நடிகர் சிவகார்த்திகேயன் நடிப்பில் வெளியாகவுள்ள திரைப்படம் ‘அயலான்’. இந்த படத்தை ‘நேற்று, இன்று, நாளை’ படத்தை இயக்கிய ரவிக்குமார் இயக்கி வருகிறார். சயின்ஸ் பிக்சன் படமாக வெளியாகவுள்ள இப்படத்தை 24 பிரேம் நிறுவனம் தயாரித்து வருகிறது.

இப்படம் குழந்தைகளுக்கான படமாக உருவாகி வருகிறது. இப்படத்தில் சிவகார்த்திகேனுக்கு ஜோடியாக ரகுல் ப்ரீத் சிங் நடித்துள்ளார். மேலும் இந்த படத்தில் கருணாகரன், இஷா கோபிகர், யோகிபாபு உள்ளிட்ட முக்கிய பிரபலங்கள் நடித்துள்ளனர்.  ஏ.ஆர் ரகுமான் இப்படத்திற்கு இசையமைத்துள்ளார்.

சயின்ஸ் பிக்சன் கதைக்களத்தில் உருவாகி வரும் இப்படத்தில் அனிமோஷன் பணிகள் அதிகமாக இருப்பதால் பணிகள் தாமதமாக நடைபெற்று வருகிறது. சமீபத்தில் இப்படம் வரும் தீபாவளிக்கு வெளியாகும் என அறிவிக்கப்பட்டது. இதற்கிடையே இப்படத்தின் பணிகள் நிறைவுபெறாததால் படம் தீபாவளிக்கு வெளியாகாது என்ற தகவல் வெளியானது. ஆனால் இதனை திட்டவட்டமாக மறுத்துள்ள படக்குழுவினர் திட்டமிட்டபடி வெளியாகும் என்றும், பணிகள் இறுதிக்கட்டத்தை எட்டியுள்ளதால் தகவல் வெளியாகியுள்ளது.