அயலானுடன் சேர்ந்து பொங்கல் வாழ்த்து தெரிவித்த சிவகார்த்திகேயன்
![அயலானுடன் சேர்ந்து பொங்கல் வாழ்த்து தெரிவித்த சிவகார்த்திகேயன்](https://ttncinema.com/static/c1e/client/88252/uploaded/14f72d0023b5339dd07b9bd08801f6c5.jpg)
டான், பிரின்ஸ் ஆகிய படங்களை தொடர்ந்து நடிகர் சிவகார்த்திகேயன் நடிப்பில் வெளியாகவுள்ள திரைப்படம் ‘அயலான்’. இந்த படத்தை ‘நேற்று, இன்று, நாளை’ படத்தை இயக்கிய ரவிக்குமார் இயக்கி உள்ளார். சயின்ஸ் பிக்சன் படமாக வெளியாகவுள்ள இப்படத்தை 24 பிரேம் நிறுவனம் தயாரித்து உள்ளது. இப்படத்தில் சிவகார்த்திகேனுக்கு ஜோடியாக ரகுல் ப்ரீத் சிங் நடித்துள்ளார். மேலும் இந்த படத்தில் கருணாகரன், இஷா கோபிகர், யோகிபாபு உள்ளிட்ட முக்கிய பிரபலங்கள் நடித்துள்ளனர். ஏ.ஆர் ரகுமான் இப்படத்திற்கு இசையமைத்துள்ளார். இத்திரைப்படம் திரையரங்குகளில் வௌியாகி நல்ல வரவேற்பை பெற்று வருகிறது. குடும்பம் குடும்பாக சென்று அயலான் திரைப்படத்தை அனைவரும் கண்டு ரசிக்கின்றனர்.
இந்நிலையில், நடிகர் சிவகார்த்திகேயன் பொங்கல் திருநாளுக்கு ரசிகர்களுக்கு வாழ்த்து தெரிவித்து உள்ளார். அயலான் பட ஸ்டைலில் ஏலியனுடன் அமர்ந்திருப்பது போல புகைப்டத்தை பகிர்ந்துள்ளார்.