SK ஃபேன்ஸ்க்கு டிரீட் வைத்த அமரன் படக்குழு

இயக்குனர் ராஜ்குமார் பெரியசாமி இயக்கத்தில் சிவகார்த்திகேயன் நடித்து முடித்துள்ள திரைப்படம் அமரன். உலக நாயகன் கமல்ஹாசனின் ராஜ்கமல் நிறுவனம் இப்படத்தை தயாரித்துள்ளது. இப்படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார். ஜி.வி.பிரகாஷ்குமார் இப்படத்திற்கு இசையமைத்துள்ளார்.  இந்த திரைப்படத்தில்"முகுந்தன்" என்கின்ற கதாபாத்திரத்தில் நடிகர் சிவகார்த்திகேயன், ஒரு ராணுவ வீரராக நடித்திருக்கிறார். ஜம்மு காஷ்மீரில் உள்ள இந்திய   ராணுவ தளத்தின் உயர் அதிகாரியாக அவர் இந்த திரைப்படத்தில் நடித்திருக்கிறார்.மறைந்த இந்திய ராணுவ வீரரான முகுந்தன் வரதராஜன் வாழ்க்கையை மையமாக வைத்து இந்த படம் எடுக்கப்பட்டுள்ளது. அமரன் திரைப்படம் தீபாவளிப் பண்டிகையை ஒட்டி அக்டோபர் மாதம் 31 ஆம் தேதி வெளியாகும் என படக்குழு அறிவித்துள்ளது. இன்று வெங்கட் பிரபு இயக்கத்தில் விஜய் நடிப்பில் வெளியான கோட் திரைப்படம் ரசிகர்களிடம் நல்ல வரவேற்பை பெற்று தமிழ்நாடு முழுவதும் ஹவுஸ் ஃபுல்லாக ஓடிக்கொண்டு இருக்கிறது. கோட் திரையிடப்படும் திரையரங்குகளில் இன்று முதல் அமரன் படத்தின் டீசர் ஒளிப்பரப்படும் என படக்குழு அறிவித்துள்ளனர். இதுக்குறித்து புதிய போஸ்டர் ஒன்றையும் படக்குழு வெளியிட்டுள்ளனர்.