சிவகார்த்திகேயன் நடித்த `மதராஸி' படத்தின் ரிலீஸ் அப்டேட்...
சிவகார்த்திகேயன் நடித்துள்ள `மதராஸி' படத்தின் ரிலீஸ் குறித்த தகவல் வெளியாகி உள்ளது.
சிவகார்த்திகேயன் ஏ.ஆர். முருகதாஸ் இயக்கத்தில் தனது 23-வது திரைப்படமான `மதராஸி' படத்தில் நடித்து முடித்துள்ளார். அடுத்ததாக சிபி சக்கரவர்த்தியின் இயக்கத்தில் 24-வது படத்தில் நடிக்க உள்ளார். சுதா கொங்கரா இயக்கத்தில் 25- வது படமான ’பராசக்தி' படத்திலும் நடித்து வருகிறார். `மதராஸி' படத்தில் சிவகார்த்திகேயனுடன் இணைந்து ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய கதாபாத்திரங்களில் நடித்துள்ளனர். இந்த படத்தை ஸ்ரீ லட்சுமி மூவிஸ் நிறுவனம் தயாரிக்க அனிருத் இதற்கு இசை அமைக்கிறார்.
சிவகார்த்திகேயனின் பிறந்தநாளை முன்னிட்டு SK23 படத்தின் டைட்டில் டீசரை படக்குழு வெளியிட்டது. ஆக்சன் கலந்த கதைக்களத்தில் உருவாகும் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. இந்நிலையில், மதராஸி படம் செப்டம்பர் 5ஆம் தேதி வெளியிட படக்குழு திட்டமிட்டுள்ளதாக தகவல் வெளியாகி உள்ளது. இந்த தேதியில் தான் கடந்த ஆண்டு விஜய் நடித்த தி கோட் திரைப்படம் வெளியானது குறிப்பிடத்தக்கது.
